شعب تويتر يسخر من هزيمة مصر أمام البرازيل: المنتخب طلع فلول ودا اللى كنت خايف منه
- ياخســـــــــــــــــــاره ... كنا هنجيب التالت دلوقتي .. علينا اللعنه
- حملة ال"برادلى" رئيسا
- هوا ألترس زمالك مش حاضر علشان يقتحمولنا الملعب و لا الواد الملثم يجي يفجر الملعب باللي فيه و يخلصنا من الفضيحة دي !؟
- ليييييييييييييييه طلع وائل !!! كان فاضله كوبري كمان و يكسب 75 قرش
- العيسوي يصرح: مفيش ماتش اتلعب اصلا
- الواد راسم تاتو "عين حتشبسوت" علي أفاه.....المصريين علموا علي أفاهم أهو أخيرا
- يعنى ايه مهاجم البرازيل اسمه HULK و مهاجم مصر اسمه دودو !!!
- يالا يا رجاله احنا احسن .. قربنا نجيب كورة في العارضة :-)
- زمان وائل جمعه بيقول لهالك و النبي يا كابتن يا رب ابوك يحج ماتعملش فينا كده تاني
- احسن حاجة في الماتش ده ان لعيبة منتخب مصر اتصوروا مع لعيبة البرازيل ببلاش
- طب مفيش جون غلطة ؟!!! او جون ابن حرام حتى !!! =((( عاابوكوا كلكوا
- وفي نهاية المباراة أحب أقول .. إيه القرف دة؟؟!
- منتخب مصر للحكشة
- منتخب مصر للعب البلى مسافات طويله
- منصور العيسوى : مش مصر هى اللى بتلعب مع البرازيل دلوقتى احنا معندناش منتخب اصلا
- لا بجد انا قلقانة على المنتخب مجاش الماتش ليه ... الطيارة وقعت بيهم ولا إيه
- أدينــا اتفرجنـا على ماتش البرازيل .. ومبــروكـ للبرازيل مــاتش مصر و البرازيل امتى بقى ؟!!
- مش قلتلكوا هنقطع البرازيل صدقتوني بقي
- زروطه كرويه
- برادلي : ده انا من عابدين يا برازيلين
- بعد قليل بيان عصام شرف عن أحداث ماتش البرازيل المؤسفة
- ماما قالت الله يخربيت الكوره و بيت المنتخب منكد علينا زي المجلس
-المنتخب طلع فلول ودا اللى كنت خايف منه