«ملكش دور».. هجوم قوي من لاعب الزمالك السابق على شيكابالا

الموجز  

شن رضا العزب، لاعب الزمالك السابق، هجومًا قويا على محمود عبد الرازق شيكابالا قائد الزمالك، بسبب تصريحات الأخير بعد مباراة القمة أمام الأهلي في السوبر الإفريقي، والذي قال فيها: «اللاعب مننا بـ 20 لاعب من أي فريق آخر».

وقال العزب، في تصريحات تليفزيونية عبر شاشة «النهار»،: «شيكابالا مينفعش يقول الكلام ده، أنت لعيب كبير وبيقولو عليك أسطورة، بس لازم تكون عرقت حتى عشان تقول الكلام ده، أنت دورك تستلم الكأس أو ترقص وتنطط بالكورة فقط».

وأضاف: «أنا كنت بدعي أن شيكابالا ينزل، بس أنت مبقاش ليك دور، وعبدالله السعيد أهوه أصغر منك وبيلعب أساسي».

وتابع لاعب الزمالك السابق: «وبعدين يا شيكابالا أنت بقالك 20 سنة من عام 2003 في الزمالك، ومخادتش بطولات زي الأهلي مروحتش كأس العالم للأندية، ودوري أبطال إفريقيا مكسبتهاش ف متقارنش نفسك بلاعيبه الأهلي».

وواصل: «أنا عارف أنهم لاعيبه كبار بس كل وقت وله أذان، مينفعش أكون بلعب خماسي ولما فرقتي تكسب أنزل أهيص، لازم أكون لعبت وساهمت وليا دور مع الفريق».

واختتم رضا العزب تصريحاته: «مش بعيد يكون نزل اتصور ولبس النضارة عشان كابتن حسام حسن يضمه في المنتخب».