«كنت بكره ريحته!».. شيرين رضا تتحدث عن طلاقها من عمرو دياب

الموجز   

كشفت الفنانة شيرين رضا، أنها هي من طلبت الطلاق من عمرو دياب، مؤكدة أنّ علاقتها بزوجته زينة عاشور جيدة حتى الآن.

وفي حوارها مع الإعلامية بسمة وهبة ببرنامج "العرافة" الذي يعرض على قناتي "المحور" و"النهار" مساء السبت، قالت شيرين رضا: "مزعلتش إنها تزوجت من عمرو دياب، هي عملت حاجة غلط؟! متجوزتهوش وأنا متجوزاه". 

وعن طلاقها من "الهضبة" بسبب رائحته، قالت شيرين: "كل الستات وهي حامل مش بتحب ريحة أي حاجة، وكنت بقوله متحطش بيرفيوم في الغرفة، لأن كل حاجة كانت بتخليني أرجع، وبالتالي مكنتش بطيق ريحة البيرفيوم بتاعته مش ريحته هو".

وعن مواصفات فتى أحلامها، قالت الفنانة: "لازم يستحملني، وأنا شخص مزاجي وأحب شغلي جدا، وعليه أن يتحمل ذلك".

وتابعت: "أول ما طلعت في التمثيل كنت كفتة، ودلوقتي بقيت مركزة وبحب اللي بعمله، لكن أول ما بدأت مكنتش عارفة أنا بعمل ايه وتوقفت عن التمثيل فترة طويلة".

وتابعت: "انفصلت أنا وعمرو دياب وهذا ليس بذنبها، ويجب أن يكون لديها شخص من أهلها موجود معها، كانت أمي موجودة وكان لديها مربيتين، ولكن كل ذلك لا يمنع من وجود الأم، شغلنا بياخد الواحد ويروح بيه بالساعات والأيام والشهور، فكان لازم أوقف".