«كلم أشرف المساعد بتاعي وعرض عليه فلوس» .. حورية فرغلي : نزار الفارس سألني أسئلة أوفر

الموجز

أعربت الفنانة حورية فرغلي خلال مداخلتها مع الإعلامية أميرة بدر في برنامج “ملفات” على شاشة قناة “هي” عن آسفها الشديد، لسماحها بدخول المذيع العراقي نزار الفارس منزلها، لإجراء لقائًا تليفزيونيًا معهًا.

وقالت حورية فرغلي : أنا آسفة وأنا غلطانة أني دخلته بيتي وأنا معاشرتوش، وهو جاي عايز يعمل تريند، وده حتى كلم أشرف المساعد بتاعي وعرض عليه فلوس عشان يقول أننا اتخطبنا فعلا.

واستكملت حورية فرغلي حديثها: هو بيحب حورية لدرجة الجنون يعني يا حرام.. أقعد أحلم أنك تتجوز حورية، يعني إزاي يقول اتخطبنا المفروض في فستان وأهل وورد وحضور.

وأضافت حورية فرغلي: أول مرة في حياتي أتعرض لحاجة كدا الشغل الأول كان بيخلي عندي كذا حاجة ومشغولة ، لكن دلوقت معنديش شغل، الأسئلة كانت أوفر، وسألني على فيلم كلمني شكرَا ومشاهدي الجريئة فيها عملتها غصب عني ولا بمزاجي، قولتله أستاذ خالد يوسف مبيخليش حد يعمل حاجة غصب عنه، وسألني عن عمري عملت عن المثلية الجنسية؟، فقولت أني اصلًا معملتش دور جنسية مثلية إلا مشهد دقيقة في فيلم كان مع الأستاذة ليلى علوي.