والدة الطفلة التي جردها والدها من ملابسها تكشف لـ عمرو أديب تفاصيل جديدة حول الواقعة
الموجز
كشفت آمال البسيوني، والدة الطفلة التي جردها والدها من ملابسها، تفاصيل جديدة بشأن الواقعة التي أثارت الجدل خلال الأيام القليلة الماضية.
وقالت "البسيوني"، في مداخلة هاتفية ببرنامج "الحكاية" الذي يقدمه الإعلامي عمرو أديب والمُذاع على فضائية "إم بي سي مصر"،: "كان بيقعد يأذينا قدام الناس كلها والناس كانت بتحوشه عننا بالعافية".
وأضافت والدة الطفلة: "أما كان بيعمل كده مع بنتي أنا مكنتش عارفه اتصرف ازاي.. أنا أخدت التليفون وطلعت اصوره.. ومكنتش عارفه أنا واقفة علي رجلي ومستحملة ازاي".
والدة الطفلة الرضيعة التي جردها والدها من ملابسها: أنا اللي صورت الفيديو.. وبعد ما مشي خدت البنت حضنتها#MBCMASR
أصل #الحكاية كل يوم هتعرفها مع عمرو أديب ومتخليش يفوتك حاجة من هنا :https://t.co/gR8yarRWqz pic.twitter.com/xKlxZuepfX— الحكاية (@Elhekayashow) January 22, 2021
وتابعت: "كان بيضرب الناس اللي تقرب منه، وأخدوا منه البنت بالعافية علشان محدش ياخدها.. وكان عايز يولع فيها".
وقالت آمال البسيوني: "لحد دلوقتي مش عارفه ايه اللي وصله لكده وازاي يعمل كده في بنتنا.. أنا قلبي اتقطع وتعبت منه"، مضيفة: "مكنش عايز يسجل البنت باسمه، حتي بعد ما كتبت كتابي رسمي مرضيش يديني الإخطار وخباه مني وكان بيهددني أنه هيقطعه".
وأكملت تصريحاتها بالقول: "بعد ما أخدت البنت منه حضنتها ولبستها في ثانية..وأنا شوفت الفيديو استنجدت بالشرطة عن طريق السوشيال ميديا بعته لكل الناس علشان تساعدني".
عمرو أديب: القبض على رمضان حسني رمضان الأب الذي جرد طفلته من ملابسها#MBCMASR
أصل #الحكاية كل يوم هتعرفها مع عمرو أديب ومتخليش يفوتك حاجة من هنا :https://t.co/gR8yarRWqz pic.twitter.com/zltrYvs8CL— الحكاية (@Elhekayashow) January 22, 2021