د. أحمد أمين يجيب: بنتك شعرها متقصف وضعيف وعلى طول بيقع.. ابنك جلده حساس بزيادة.. هو ده العلاج الأفضل!!
اعداد: جهاد محمود صالح
يا أيتها الأم .. ابنك بيطلع من دور مرض يدخل في غيره ؟! ابنك بينسى بسرعة و مش بيركز ؟! ابنك نموه ضعيف و صحته مش عاجباكي ؟! ابنك بيجيلو ادوار اسهال متكررة ؟؟
بنتك شعرها متقصف و ضعيف و على طول بيقع ؟ ابنك جلده حساس بزيادة أو بيطلع فيه حبوب و التهابات كتير ؟!
عايزة الاعراض دي كلها تتحسن ؟! يبقى خدي بالك من أكل ابنك؟
اتأكدي انه بياخد كفايته من ( الزنك )
ايه الزنك ده يا دكتور ؟ مش ده كان بيطلع في التلفزيون باين ؟!! .. لا يا فندم دوكها بالدال .. متودوناش في داهية !!
الزنك عنصر اساسي جدا في الجسم
1- مهم جدا للنمو - لجهاز المناعة - لسلامة الجهاز الهضمي و التنفسي - لسلامة المخ - لصحة و نمو الشعر و الجلد.
2- الزنك بيدخل في تركيب اكتر من ٧٠ إنزيم في الجسم مسئول عن النمو و المناعة و وظائف اجهزة الجسم المختلفة.
3- الطفل بيحتاج في حدود ١٠ مجم يوميا من الزنك.
4- الزنك موجود في الاطعمة التالية :
الكبدة - البقوليات (فول - عدس) - الجبن و منتجات الالبان - اللوز - االلحوم - المشروم
بالاضافة لبعض مركبات الفيتامينات و المكملات الغذائية .. اسألي دكتورك عنهم لو طفلك محتاجهم