تشويش «إم بي سي مصر» يشعل ثورة على تويتر:«نظام خايف من برنامج!»

اشتعل موقع التواصل الاجتماعي "تويتر" غضبا بعد أن تعرضت قناة إم بي سي مصر للتشويش تزامنا مع بدء برنامج البرنامج لباسم يوسف.

 

جدير بالذكر أن صفحة تدعى “الجيش المصري الإلكتروني"، على موقع التواصل، كانت قد أعلنت الأسبوع الماضي مسؤوليتها عن التشويش على حلقة برنامج ''البرنامج'' للإعلامي الساخر باسم يوسف.

 

 

وجاءت التعليقات على تويتر كالتالي:

 

- يعنى هو للدرجة دى نظام الدولة ضعيف وهش لدرجة أنه مش مستحمل برنامج ساخر !! 

 

- يعني التشويش مبدأش غير مع تتر البرنامج!  و انا المفروض اقتنع انها صدفة و تصادف ؟! #باسم_يوسف 

 

- لدرجة دي التفاهه ان برنامج ساخر عامل ازمة لدرجة يتشويش عليه اياً كانت الجهه! بجد عيب، البلد اكبر من التفكير ده #باسم_يوسف #MBCMASR

 

- و سيذكر التاريخ ان في عهد #محمد_مرسي و في عز ما كان #باسم_يوسف بيمسح بنظامه الأرض لا تم منعه و لا التشويش عليه..!!!

 

- التشويش علي #باسم_يوسف شغل بلدي ومفضوح ودليل ضعف وخوف وهنشوفه غصب عنكم جتكم القرف نظام جبان وفاشل

 

- هو عشان #باسم_يوسف بيهرج تقوم الدوله تهرج برضه؟  .... هبوط لا يليق بأننا سنكون "أد الدنيا"

 

- يلا بقا يا شعب مصر البهيم عيشوا في أزهى عصور الحرية والديمقراطية .. عيشوا واتكيفوا !

#باسم_يوسف

 

- القناة اشتغلت زي الفل دلوقتي ف الإعلانات!!!! طب ليه؟ ليه؟ لييه؟ ليه؟ ليه؟ ليه؟ لييييييييه؟ ليه! #باسم_يوسف