مش عايزين سعد لمجرد في مصر.. حملة جديدة لمنع حفلة للمطرب المغربي في شرم الشيخ

كتب: ضياء السقا

دشن رواد مواقع التواصل في مصر هاشتاج بعنوان” مش عايزين سعد لمجرد في مصر”، رفضا للحفلة التي أعلنت عنها أحد الفنادق في مدينة شرم الشيخ بمشاركة النجم المغربي.

ورفض رواد السوشيال ميديا أن يشارك فنان متهم بجرائم اغتصاب وتحرش بحفلات في مصر.

وواجه سعد لمجرد من قبل هجوما حادا تسبب في إلغاء إحدى حفلاته في مصر عام 2020، كما ألغيت إحدى الحلقات التلفزيونية التي حل فيها ضيفا في أحد البرامج في ٢٠٢١.

من جانبها، قالت صفحة "Speak Up اتكلم/ي"، الداعمة لضحايا العنف، على الفيس بوك: "واضح أن سعد لمجرد مصمم يحاول يدخل مصر بأي طريقة، حتى لو هيروح يغني في حفلة على الضيق في nightclub في شرم الشيخ من غير ما يعمل دعاية عنها أو يعلن عنها بنفسه عشان ما تتكنسلش!".

وتابعت: "وده طبعاً بسبب أن في مصر الحفلة بتاعته اتلغت في ٢٠٢٠، وكذلك الحلقة بتاعته اتمنعت من العرض في ٢٠٢١، وحتى لما طلع في انترفيو يتكلم عن أنه مستعد يروح حفلات في مصر لو الناس عايزاه، الناس اعترضت في الكومنتات واتمسح الانترڤيو".

وواصلت: "امبارح Taj Mahal Sharm اعلنوا عن حفلة لـ سعد لمجرد (المتهم في قضايا إغتصـاب وعنـف جنسي) يوم ٢٩ ديسمبر ومن ساعتها بيمسحوا كومنتات الناس اللي بتعترض كـ عادة أي حد بيحاول يستضيف سعد.
وبعدها كالعادة برضه قفلوا الكومنتات لما لقوا العدد كبير!".

واختتمت: "لو الرسالة ما كانتش وصلت ال ٣ مرات اللي فاتوا: فـ احنا مش عايزين نستضيف متهم بقضايا إغتصـاب بالجملة في بلدنا، ومش قابلين أن النماذج دي يتعملها حفلات عندنا ويتعمل منهم أبطال كأن التعـدي على الستــات وإغتصـابهم شيء عادي وملوش عواقب".