حرض على قص شعر غير المحجبات.. الإمارات ترحل شابا مصريا وتفصله من عمله.. وإبراهيم يتراجع: كنت بهزر
كتب: ضياء السقا
رحلت السلطات الإماراتية وافدا مصريا، يدعى إبراهيم خليل، بسبب تعليق له على فيسبوك يدعو فيه إلى قص شعر غير المحجبات، بعد شكوى قدمتها فتاة مصرية عن بعد.
وقدمت الفتاة المصرية شكوى لمكافحة الابتزاز في الإمارات، بحق مواطنها المقيم في الإمارات بعد تعليقه الساخر، والذي يدعو فيه إلى قص شعر غير المحجبات.
وأكدت الجالية المصرية في الإمارات قيام السلطات الإماراتية بترحيل الشاب المصري على الفور.
انتشر على مواقع التواصل الاجتماعي، منشور كتبه أحد الشباب يدعى إبراهيم خليل، من المقيمين في دولة الامارات، يدعو إلى إيذاء الفتيات نفسيا على الأقل بقص شعرهن.
وكتب ابراهيم: "هو لو كل واحد اشترى مقص، وقابل اي واحدة كاشفة شعرها قام قص لها شعرها؛ مش هتلاقي ولا واحدة من غير حجاب".
فور انتشار التحريض من الشاب، لاقى المنشور هوما وانتقادا لاذعا ضده، وعبر عدد كبير من المتابعين عن شماتههم، عقب فصله من العمل وترحيله الى مصر.
ابراهيم كان عاوز يشتري مقص و لما يقابل ست كاشفة شعرها يقصه
ابراهيم انفصل من شغله و اترحل من الإمارات مقر عمله.
ابراهيم يتعلم بقى يتحمل مسئولية اللي بيكتبه و يخليه في حاله و يعرف انه اللي اقترحه جريمة مش هزار pic.twitter.com/GjtCSs3mFL— Ghada Shahbender (@ghadasha) October 16, 2022
من جانبه، تراجع إبراهيم عن تعليقه المثير للجدل، مؤكدا أن منشوره كان مجرد هزار.
وكتب على حسابه بالفيس بوك: "الابتلاء اللي انا فيه علمني حاجة مهمة قوي، ان مش كل اللي حواليك يتمنوا لك الخير؛ وان مش اي حاجة تهزر وتضحك فيها، بس اصحابي واللي عندي على الفيس عارفين كويس قوي ان بوستاتي وكومنتاتي كلها هزار وهلس في هلس، ولا عمري في حياتي والله تمنيت اذى لحد او اضايق حد ولو بكلمة".
وأضاف: "انا اتعلمت من اللي حصل ده اني اخلي بالي من اي كلمه اقولها او اكتبها، لان ممكن بسبب كلمة تقولها او تكتبها بهزار مع واحد صاحبك في ساعة غفلة، تكون سبب في كربك وضيقتك، يا ريت اللي بيحبني بجد يدعيلي ان ربنا يفك كربي وييسر امري، لان والله ما حد هايحس باللي انا حاسه الا اللي عاش نفس تجربتي دي".
