بعد جمع 40 مليون جنيه.. شهامة المصريين تنقذ الطفلة سيلين من الضمور العضلي

الموجز   

أعلنت حملة التبرع للطفلة سيلين أيمن، المصابة بالضمور العضلي الشوكي، نجاحها في جمع المبلغ المطلوب (40 مليون جنيه) لشراء الحقنة الأغلى في العالم.

وكتبت الحملة عبر صفحتها الرسمية بموقع "فيس بوك": "الحمد لله يا رب على كرمك الواسع، تمت المهمة بنجاح بفضل ربنا ثم بتبرعاتكم ووصلنا لــ 40 مليون جنيه، تمن الحقنة الأغلى بالعالم يا سيلين".

وأضافت الحملة: "شكراً للشعب المصري اللي فعلا وقت الأزمات بيبان، شكرا للجاليات العربية اللي شاركوا من دول كتير مختلفة ولكل حد كان بيعمل لنا شير".

وتابعت: "الشكر الأخير بقي لكل متطوع إدي وقت ومجهود وأولهم فريق عظيم اسمه خلية نحل إنقاذ سيلين، وشكر كبير للفريق اللي دخلنا تويتر أكتر من مره بدون ما حتي نطلب".

وخلال الأيام الماضية، تصدر هاشتاج #أنقذوا_سيلين موقع التدوينات القصيرة "تويتر"، وذلك في محاولة لجمع المبلغ المطلوب من أجل حقنة الضمور العضلي الأغلى في العالم.

وفي وقت سابق، كشفت رضوى حمدي، والدة سيلين، آخر التطورات الصحية للطفلة، حيث قالت: "حالتها الصحية تدهورت بشدة، وهي في حاجة شديدة للحصول على الحقنة الأغلى في العالم."

وأضافت والدة الطفلة، في تصريحات لـ "القاهرة 24"، أن سيلين "جالها التهاب رئوي، واحتجزت كام ساعة في المستشفى، وفضلت على جهاز تنفس.. مكنتش عارفة تتنفس لأن المرض بيأثر على التنفس بشكل كبير، وضهرها هو السبب، لأن ضهرها بقى متقوس، وده مأثر على الرئة".

وتابعت: "عشان كل ده يتعالج محتاجة الحقنة في أسرع وقت خلال الفترة دي بأسرع ما يمكن، عشان تتلحق، وسيلين بقى عندها سنة و3 شهور، وحالتها في تدهور مستمر".

وواصلت والدة سيلين: "الطفلة حالتها متدهورة جدًا، ومحجوزة في المستشفى، وكل يوم من سيئ لأسوأ، ومحتاجة علاجها في أسرع وقت قبل ما تدهور أكتر."