طلب من أصدقائه التبرع بقيمة هدايا عيد ميلاده لمستشفى أهل مصر.. السوشيال ميديا تشيد بشريف مدكور.. ومراد مكرم: ابن ناس وعينه مليانة

أشاد رواد السوشيال ميديا، بمبادرة الإعلامي شريف مدكور، بعدما طالب من أصدقائه التبرع بقيمة هدايا عيد ميلاده الخمسين، الذ احتفل به، مساء السبت، لصالح مستشفى أهل مصر للحروق.

وتمكن الفنان وأصدقائه من جمع ١٢٠ ألف جنيه لصالح المستشفى، في لفتة إنسانية أشاد بها الجميع.

وكتب شريف مدكور عبر صفحته على فيسبوك:

النهاردة كان عيد ميلادي الخمسين ، عملت حفلة في بيتي وعزمت حبايبي وطبعاً عيد ميلاد يعني هتجيلي هدايا بس

انا فكرت ان الهدية تبقى حاجة تانية خالص

فكرت ان الهدية تروح لمستشفى اهل مصر لعلاج الحروق

واتفقت مع ضيوفي انهم يتبرعوا للمستشفى بقيمة الهدية اللي كانوا هيجيبوهالي

فالناس بتوع المستشفى بقوا واقفين على مدخل البيت بياخدوا التبرعات من الناس

النتيجة : ١٢٠ ألف جنيه تقريبا اتجمعوا لصالح مستشفى اهل مصر

انا مبسوط

وشكراً لكل حبايبي اللي شرفوني ونوروني وادوني هدية حلوة لصالح مستشفى بترجع الابتسامة على وشوش الناس.

رسالة من مراد مكرم:

من جانبه، هنأ الإعلامي مراد مكرم، صديقه شريف مدكور بعيد ميلاده قائلا عبر حسابه على الفيس بوك:

يعني ايه حد محبوب،يعني يعزم ١٠٠ فرد يجيله أكتر ،يعني الي ربنا بيحبه يحبب فيه خلقه،يعني ناس تسوق بالساعات علشان تروحله عيد ميلاده ،و ناس تأجل سفر و ناس تيجي من سفر علشانه.

طيب يعني ايه واحد ابن ناس و عينه مليانه؟ يعني بدل ما يستني ١٠٠ هديه في عيد ميلاده او أكثر،يجيب مستشفي اهل مصر لمعالجة الحروق و يطلب من كل اصحابه ما يجيبوش هدايا و تمن الهدايا دي يتبرعوا بيه للمستشفي ،فيلم للمستشفي فوق ال ١٢٠ الف جنيه ...كل ده وهو لا ذو سلطه مثلا او مال وفير ،حد مستور و عينه مليانه.

انما انا بشكره علشان حاجه تانيه خالص،انا لحد ما رحتله امبارح وشوفت ناس ما شفتهاش من سنين او شهور و قعدت مع ناس عشرة عمري ،ماكنتش عارف افرح......حاولت بس ما عرفتش....لحد امبارح،فرحت من قلبي.

ربنا يباركلك في حياتك كلها يا شريف يابن الاصول وكل سنه وانت في ستر وصحه وراحة بال يا صديقي.

واحتفل الإعلامي شريف مدكور، بعيد ميلاده الخمسين، وسط عدد كبير من الأصدقاء والأهل.

وكان من أبرز الحضور زملاء مدكور من الوسط الإعلامي: سالي عبدالسلام، وأمينة شلباية، إيمان أبوطالب، لمياء فهمي، وغيرهمكما حضر بعض الفنانين مثل الفنانة دينا، والفنانة داليا البحيري، والمذيع خالد عليش.