هيوفر استهلاكك..’’الكهرباء‘‘ تطالب المواطنين بعدم نزع ’’تيكيت الملابس‘‘

حذرت الشركة القابضة للكهرباء، المواطنين من نزع "تيكيت الملابس"، لاحتوائه على درجة الحرارة المناسبة لغسله وكيه.

وقالت الشركة من خلال منشور نوعوي لها، عبر حسابها الرسمي على موقع التواصل الاجتماعي "فيسبوك": "مش سر إن الملصقات الموجودة على الملابس بتمنعك في أوقات كتير من ارتدائها بشكل مريح، علشان كده أغلبنا بيقطعها ببساطة من غير ما يكون واخد باله من الغرض الحقيقي منها، مؤكدة أن "تيكيت الملابس" ممكن يأثر بشكل مباشر على فاتورة الكهرباء".

وأضافت الشركة: "كل قطعة ملابس لها درجة حرارة معينة تتغسل عليها، ولو درجة حرارة الغسالة زادت عنها، هتؤذي الملابس وكمان سخان الغسالة هيسحب كهربا أكتر".

وأكملت الشركة: "باختلاف أنواع القماش المصنوع منها الملابس، بتختلف درجة الحرارة المطلوبة لكيّها، وكل ما بتزيد درجة حرارة المكواة هتسحب كهرباء أكتر والملابس هتتعرض للتلف أسرع".

وواصلت الشركة: "ممكن توفر فلوس الكهرباء اللي هيستخدمها المجفف والمكواة وتحافظ عليها كمان لو كانت Dry Flat، لإنك مش هتكون محتاج غير إنك تفرد قطعة الملابس فقط علشان تكون جاهزة لارتدائها".