«العروسة حامل».. حفل زفاف يثير ضجة كبيرة على السوشيال ميديا.. والعريس: «نفسنا نبقى مشاهير»
الموجز
أثار مقطع فيديو تم تداوله على موقع التواصل الاجتماعي "فيس بوك" في حالة من الجدل، حيث ظهرت فيه فتاة حامل ترتدي فستان زفاف وبجوارها زوجها.
وأعرب النشطاء عن استغرابهم من الفيديو، مشيرين إلى أن تلك الواقعة تشبه ما يحدث في أوروبا.
وبسبب الجدل الواسع على السوشيال ميديا، خرج صاحب الفيديو يوضح حقيقة الأمر، مؤكدًا أن اللقطات جرى تصويرها بعد عامين من الزواج، احتفالًا بتحديد نوع مولدهم الأول.
وقال "م.م" صاحب مقطع الفيديو، في منشور على صفحته على موقع "فيس بوك"، إن ما يتداول ما هو إلا حفلاً نظمها صحبة زوجته ابتهاجًا بقرب حلول مولودهم الأول وإخبار أصدقائهم بنوع الجنين.
وأضاف الشاب: "الشهرة حلوة ونفسنا نبقى مشاهير بس بالحاجة اللى بنعملها والمحتوى اللى بنقدمه مش بالخوض فى الأعراض".
وتابع: "أنا لحد دلوقتي مش فاهم أول واحد خذ سكرين من فيديو أنا رافعه وواضح فيه احنا بنعمل إيه، وان دي حفلة بنعرف اصحابنا والناس اللي متابعنا فيها نوع الجنين ويحرف الكلام ويألف قصة على مزاجه لمجرد انها هتجيب لايكات اكتر من القصة الحقيقية بيقول لنفسه ايه، والناس اللى زي البغبغان بياخدوا كوبي ويشيروا من غير ما حتى يعقلوا الكلام أو يفكروا لمدة دقيقة مع نفسهم.. بجد انتوا اية يا جماعة ممكن تخربوا بيوت وتخلوا ناس تنتحر وتعقدوا ناس في عيشتها ربنا يهديكم".
وأكمل الشاب منشوره: "أي حد يشوف بوست من اللي بيتريقوا علينا يحط البوست دا في عينه شيروا البوست دا عشان الناس تفهم ومحدش يقولي انت اللى متنزلش صورك".
