نجيب ساويرس: “نفسي مسدودة عن الشغل وزهقان”.. ومتابعوه : "أهرب من ثرائك وعيش يومين زي الفقراء"


 

كتب المهندس نجيب سويرس، رجل الأعمال الشهير، على صفحته الشخصية تويتر عن الحالة النفسية التي يمر بها خلال الفترة الحالية دون ذكر السبب، حسب قوله. مما جعل كثيرًا من متابعيه يعلق بسخرية على حالته.

وفي تغريده له على حسابه الشخصي عبر موقع التواصل الاجتماعي “تويتر”، تساءل ساويرس قائلًا: “مش عارف ليه عندى حالة زهق شديدة.. حاسس كده بملل ونفسي مسدودة حتى على الشغل”.
ورد عليه أحم دالواعر:" تعالي عندنا أسيوط في رحله طالعه يوم كامل في حمام السباحة والملاهي وكره قدم وتنس وجوائز كمان ب ٣٠ جنيه  شامل التنقلات والاكل مش مشكله حضرتك ضيف هتاكل معانا محشي وفراخ".

وعلقت منى سيد:" لما انت تقول كدا والدنيا كلها تحت رجليك؟ أمال احنا تقول ايه الا الزمن عمال يشيل ويحط علينا؟
وتابعت:" ممكن حياة الرفاهية الزياده عن اللزوم هى الا مسببالك الاحساس ده أن.كل شئ متاح ومتوفر ومافيش مستحيل، جربت تعيش فقير؟
ونصت رجل الأعمال قائلة :" إعمل رحله بدائيه كلها شقاء وتعب جايز تغير فيك شئ مهم مفقود ،أهرب من ثرائك؟

“ونابيع عليك يومية بحوالي 60 جنيه.. ‏قوم يا باشمهندس شوف شغلك” هكذا علق حساب يدعى “باسم بسيوني”، بينما قالت أرليت يوسف: “الكلام ده أكبر مثل إن الفلوس لوحدها مش هي سبب السعادة”.

فيما سخر محمد الحسيني، معلقًا: “معلش يا حبيبي تلاقيك محسود ولا حاجة، ‏روح غير جو اعملك كومباوند جديد رازي به اخواتك شوية، ‏اشترى فودافون.. بلاش موبنيل تاني علشان متزهقش اكتر، ‏افتح قناه جديدة مثلًا”، وأختتم تغريدته قائلًا: “سلي وقتك يا استاذ نجيب الملل وحش جدًا”.
 

“معلش ياعم نجيب هي الدنيا صعبة اليومين دول” يسخر الزقزوق من تغريدة رجل الأعمال، مضيفًا: “واليومية النهاردة معدتش بتجيب همها ولا بتكفي المصاريف”. أما حساب يحمل اسم “مانو سعد الرفاعي” تسائلت مردفة: “لما انت تقول كدا والدنيا كلها تحت رجليك؟.. أمال احنا تقول ايه الا الزمن عمال يشيل ويحط علينا؟، ‏ممكن حياة الرفاهية الزيادة عن اللزوم هي اللي مسببالك الاحساس ده‏، إن كل شئ متاح ومتوفر ومافيش مستحيل”، مكملة: “‏جربت تعيش فقير؟.. ‏اعمل رحله بدائية كلها شقاء وتعب جايز تغير فيك شيء مهم مفقود”، وأختتمت تغريدتها ناصحة ساويرس: “أهرب من ثرائك”.

تعليقات القراء