ياسمين عز: فانلة الأهلي بتخوف.. وتعيش وتضيع يا شيكابالا وتفرح ملايين

الموجز  

علقت الإعلامية ياسمين عز، على فوز النادي الأهلي على نظيره الزمالك، بضربات الترجيح، في بطولة السوبر المصري.

وقالت «عز» خلال برنامج «كلام الناس» عبر شاشة قناة «mbc مصر»، اليوم الجمعة، أن قميص النادي الأهلي «الأحمر» يعطي ثقة لمن يرتديه، متابعة: «عشان كده شوفنا لاعيبة كانوا حاجة قبل الأهلي وبقوا حاجة تانية بعد ما لبسوا الفانلة الحمراء».

وأضافت: «فانلة الأهلي بتخوف، اللون الأحمر بيخوف الخصم، عشان كده بنشوف لاعيبة قدام الأهلي ممكن تخاف تتلخبط تقع لوحدها من غير ما حد يجي جنبها».

وتابعت «عز»: «شيكابالا مش بتاع ضربات جزاء، ده رجل موهوب وفنان، هو ممكن يكون من مسافة 100 ياردة يجيبها في المقص، لكن ضربة جزاء سهلة يحطها في الجون، لأ، شيكابالا بتاع الصعب، فلما يضيعها مش آخر المطاف، تعيش وتضيع يا كابتن وتفرح ملايين».