وصفت نفسها بـ «التنحة والرزلة والسخيفة».. إعلامية تشن هجوما قويا على منى فاروق بسبب لايف «تيك توك»
الموجز
هاجمت الإعلامية مروة صبري الفنانة منى فاروق، بعد ظهورها مؤخرا في بث مباشر عبر تطبيق «تيك توك»، وردت من خلالها على متابعيها بطريقة وصفتها الأخيرة بـ «بالمبتذلة».
وقالت مروة صبري خلال حلقتها في برنامج «قعدة ستات»: «منى فاروق طلعت من يومين تقريبا على تيك توك ووصفت نفسها بأبشع الوصف، وقالت أنا تنحة ورزلة وسخيفة، لأن أحد متابعيها قال لها تعليق معجبهاش».
وأضافت: «منى قررت ترد وتهزأ المتابع وكل المتفرجين عليها، واتكلمت بشكل غير لائق وغير مسموح، وغير طريقتها الغلبانة المسكينة اللي عايزة الناس تساعدها تشتغل».
وتابعت: «منى فاروق قالت حاجة عجيبة الواحد توقف عندها، قالت أنا بيضا وحلوة وقشطة وجسمي حلو، وأي راجل في الدنيا يتمناني، وأنا اللي مش بيطولني بيحاربني، ومش هخلي حد يطولني، وأنا بتجوز في الحلال ومش بعمل حاجة حرام».
واختتمت مروة صبري حديثها قائلة: «يعني إنت عايزة إيه بالجملة دي؟ إنت طالعة تهيني الناس وتعلميهم الأدب والعفة؟ إيه الطريقة المبتذلة دي في الكلام؟».