مهاجما وزراء الصناعة السابقين.. أحمد موسى: كامل الوزير حل مشاكل 73 مصنع في 5 ساعات

الموجز  

كشف الإعلامي أحمد موسى، تفاصيل اجتماع الفريق كامل الوزير نائب رئيس الوزراء للتنمية الصناعية، الإثنين، وذلك لبحث مشاكل المستثمرين والمصنعين وحلها، مؤكدا: «الاجتماع ده كان محدد له ساعتين فقط، والفريق قعد 5 ساعات عشان يتابع ويحل».

وخلال تقديم برنامجه «على مسئوليتي» المذاع عبر فضائية صدى البلد مساء الإثنين، قال موسى إن الفريق كامل الوزير قام بحل مشاكل نحو 73 مصنعًا، في اجتماع اليوم، الذي استمر لمدة 5 ساعات فقط، معقبًا: «كامل الوزير لديه القرار والشجاعة لحل جميع مشكلات المصنعين».

وأضاف الإعلامي: «ضيعنا وقت طويل في موضوع الصناعة، ومحدش يزعل من كلامي، إن فيه حلول تتم في هذا الاجتماع لمشاكل بقالها أكتر من 15 سنة، يبقى إحنا كنا في أزمة كبيرة فعلا».

وتابع أحمد موسى: «محدش كان بيقعد مع المصنعين والمستثمرين قبل كده، ومكنش حد بيسمع حد، ده فيهم واحد جاي من المنيا عشان إمضاء بسيطة عشان يشغل مصنعه المتوقف بقاله كام سنة ومحدش كان راضي يحل له مشكلته».

كما اتهم مقدم برنامج "على مسئوليتي" المسؤولين السابقين بـ«الظلم»، لأنهم لم يسعوا لحل مشاكل المصنعين والمستثمرين، معقبا: «ليه ظلمتوا الناس دي، ده كل ده عبارة عن فلوس برا وجوا البلد، كل ده إنتاج ضايع، ليه كنا بنعطل مصالح البشر بالشكل ده! دول ناس عايزين يشتغلوا في بلدهم ويخدموها».

واختتم الإعلامي أحمد موسى: «شعركم هيقف، لأن المشكلات دي كلها كانت أمور سهلة وبسيطة أوي، وكان ممكن أي حد يحلها، دي مكنتش تستاهل يتم تعطيلها السنين اللي فاتت دي، ولكن مفيش إرادة».