بعد الانتقادات.. أحمد السبكي عن فيلم «الملحد»: رسالة مهمة جدًا عن الدين

الموجز  

علق المنتج أحمد السبكي، على الهجوم الذي تعرض له فيلمه الجديد «الملحد»، وذلك بعد طرح البرومو الدعائي على مواقع التواصل الإجتماعي، استعدادًا لطرحه يوم 14 أغسطس القادم، في جميع سينمات مصر.

وقال السبكي، في مداخلة هاتفية ببرنامج "تفاصيل" المذاع عبر فضائية "صدى البلد 2" مساء الإثنين، إن هناك إشادات بالفيلم من قبل الجمهور مثلما تعرض لهجوم، مضيفا: «في هجوم ومدح على الفيلم، واحنا عمرنا ما هنتفق على حاجة واحدة، أنا هسال سؤال: لو إبراهيم عيسى مش اللي كتب الفيلم، واللي كتبه حد تاني غيره كان الفيلم اتهاجم؟».

وأكد المنتج أن فيلم «الملحد» لا يوجد به أي شئ من الشائعات التي تتردد على الفيلم، موضحا: «الناس اللي بتهاجم دي ناس معروفة، واحنا مش هنقول مين واحنا عارفين مين اللي بيهاجم إبراهيم عيسى، مش بيهاجموا الفيلم، الفيلم مفهوش أي حاجة من اللي هم بيقولوا عليها، والفيلم رسالة مهمة جدًا عن الدين».

وأضاف: «اتمنى من الناس اللي بتهاجم الفيلم تيجي تشوفه يوم 14 أغسطس، بعدين يا جماعة أنتم بتهاجموا الفيلم من غير ما تشوفوه، لمجرد اسم إبراهيم عيسى، أو بسبب اسم الفيلم ذاته ، أو لأني منتج الفيلم».

كما كشف أحمد السبكي أن الفيلم حصل على الموافقة من الرقابة على المصنفات الفنية، لافتا إلى أنه ظل لمدة سنة يخضع لمراجعة الدكتور خالد عبد الجليل، متسائلاً: «هل لو الفيلم فيه حاجة غلط أو بيهاجم الدين كان اتوافق عليه رقابيًا؟، الفيلم مُصرح رقابيًا.. خالد عبد الجليل يشيل الجملة دي ويضيف الجملة دي، الرجل مشكور شال حاجات وأضاف حاجات وخلاني أصور حاجات عشان يعدل السيناريو.. الفيلم فيه رسالة حلوة قوي للناس».