بعد إعلان مدرس الفرنساوي.. تامر أمين ينفعل على الهواء: فين وزارة التعليم؟
الموجز
انفعل الإعلامي تامر أمين، بسبب إعلان قام به مدرس فرنساوي عبر منصات التواصل الاجتماعي للترويج عن الدروس الخصوصية.
وخلال تقديم بنامجه "آخر النهار" المذاع عبر فضائية "النهار" مساء السبت، قال "أمين": "زمان كان فيه دروس خصوصية وكان الموضوع مقتصر بين المدرسين والطلبة".
وأضاف الإعلامي: "في الآونة الأخيرة بقى فيه إعلان ومجاهرة بالموضوع بقى كمان فيه مجاهرة وإعلانات على عينك يا تاجر هو ده ينفع؟. مش عارف مدى تجريم القانون لهذا الأمر".
وواصل: "لازم كلنا نقف أمام هذه الظاهرة، فيه موضوع لمدرس فرنساوي عامل إعلان جايب فيه نجم مشجعي الاتحاد السكندري عادل شكل وعامل إعلان عن أنه يعطي دروس خصوصية هو ده ينفع؟".
وتابع تامر أمين: "انت مش بس بتدي دروس خصوصية ولكن بتعمل إعلان لده، وزارة التربية والتعليم فين من الكلام ده؟، وإحنا عارفين أن المدرس دوره أنه يعطي في الفصل فقط، ولكن بقينا بنشوف مدرسين بيشجعوا على زيادة الظاهرة وليس حجبها".