«التعليم لا يحدد مصير الإنسان!».. إعلامية تعلق على تدوينة سمية الخشاب: استحالة تكون بتتكلم بجد

الموجز  

علقت الإعلامية سهير جودة، على التدوينات التي نشرتها الفنانة سمية الخشاب، والتي قالت فيها إن "التعليم لا يحدد مصير الإنسان".

وخلال تقديمها لبرنامج «الستات» المذاع عبر فضائية «النهار» مساء أمس الثلاثاء، قالت "جودة": «سمية الخشاب ممكن تكون بتهزر عشان تهون على الطلاب، هي نجمة وجميلة واستحالة تكون بتتكلم بجد».

وأكدت الإعلامية أهمية وقيمة التعليم، متابعة: «الفلوس بتيجي بالعلم، لازم يبقى في محتوى راقي بالعلم، لكن نوعية التعليم دلوقتي آه ممكن يكون مجرد شهادات نعملها قراطيس طعمية ولب».

وتابعت: «لكن التعليم كمعنى وقيمة حاجة تانية خالص، التعليم نور وبصيرة ووعي، أكيد سمية بتهزر عشان تخفف من الضغط على الطلبة وأسرهم، دي نصايح مش ممكن تطلع من فنانة جميلة».

وكانت الفنانة سمية الخشاب قد أثارت الجدل خلال الساعات الماضية بعد تدوينة لها عبر منصة «إكس» للتواصل الاجتماعي.

وقالت سمية الخشاب في تدوينتها: «التعليم مبيحددش لا مصير ولا نيلة، بتعرف تجيب فلوس هتعرف تتجوز وتسافر، مبتعرفش يبقى الشهادة هتقرطسها وتحط فيها طعمية»، بحسب وصفها.

التعليم مبحددش لا مصير ولا نيله، بتعرف تجيب فلوس هتعرف تتجوز وتسافر مبتعرفش يبقي الشهاده هتقرطسها وتحط فيها طعميه

— Somaya Elkhashab (@somayaelkhashab) June 24, 2024