لأول مرة.. أحمد جلال عبد القوي يكشف تفاصيل معاناته مع الإدمان
![](https://new.almogaz.com/sites/all/themes/almogaz/images/sms.jpg)
![](https://new.almogaz.com/sites/default/files/styles/almgoaz_img/public/feed_images/24/05/18/503844_0.jpg?itok=Ci3rIBJu)
كشف الفنان أحمد جلال عبد القوي، كواليس الفترة التي أدمن فيها المخدرات وما حدث له خلال هذه الفترة.
و قال عبد القوي، في برنامج "كلام الناس" تقديم ياسمين عز ويعرض على قناة "Mbc مصر": "الحمد لله الدنيا تمام ومفيش أي حاجة والقضية اتحفظت وفي حد وقف معايا هو اللي خلاني أدخل المصحة وكان لازم أرد له الجميل ودخلت واتعلمت حاجات حلوة أوي جوه، ولما دخلت قولت لنفسي الحمد لله أنا في نعمة لأن في ناس جوه اتعودت إنه يخرج ويدخل لدرجة أن فيه كلمة سمعتها جوه المصحة دي كلمة غلط أصلا واسمه مكان علاجي وكنت بسمع جملة داخل داخل، خارج خارج ، ضارب ضارب، راجع راجع".
واستكمل: "فيه ناس عايشة كدة جوه ودول اللي معندهمش إرادة ولا حياة قبل كده يعرف يمارسها بعد ما يخرج، وخلاص هو عايش حياته كده، ودول بيبقى عندهم مشكلة مبيبقوش عايزين يتعالجوا وعشان كده بيتقالوا وهو خارج دي فاتورتك واللي أنت هتعمله بعد ما تخرج دي فاتورة تانية، وأنا غيرت حياتي في كل حاجة رغم أن عندي شوية مشاكل بمر بيها تخلي أي حد في الدنيا يتجه لأسهل طريق بس أنا معملتش ومش هعمل كده".