بطلوا حكاية إن الوزارة تضبط الأسعار .. عمرو أديب : وزير التموين هو ماله؟! إيه التقصير اللي عامله؟
الموجز
استنكر الإعلامي عمرو أديب، الهجوم على الدكتور علي المصيلحي، وزير التموين والتجارة الداخلية، بعدما شهد افتتاح معرض «أهلا رمضان» بشبرا الخيمة تكدسًا كبيرًا من المواطنين أمام التجار على شراء السلع والمنتجات الغذائية.
وقال خلال تقديمه لبرنامج «الحكاية»، المذاع عبر فضائية «MBC مصر»، مساء الاثنين: «وزير التموين هو ماله؟! إيه التقصير اللي عامله؟ بطلوا حكاية إن الوزارة تضبط الأسعار، لن يضبط أحد الأسعار إلا عندما تتوفر السلع».
ونوه أن العديد من الإعلاميين شنوا هجومًا على الوزير، مضيفًا: «نجيبه في مجلس النواب ونقول له أنت فاشل، طب ما تمشوه، ولو جبنا وزير تموين من سويسرا هيعمل إيه؟ هو عنده موارد وتركة مهمة اسمها التموين».
وأشار إلى أن عدم توافر بعض السلع أمر متوقع في الأزمات الاقتصادية، مضيفًا: «هناك أزمة اقتصادية فالأشياء لن تكون متوفرة، هو (الوزير) مش عاوز يقولها عشان ميضيقاكش، والله أنا وهو مش أصحاب ولا بيبعت لي حاجة على البيت»، وفقًا لتعبيره.
وتساءل: «هل أنت كمواطن عارف تشتري لحمة زي ما كنت بتشتري؟ هل عارف تجيب كيس سكر من السوق؟ إيه اللي مش فاهمينه في الموضوع، هو ذنبه إيه الراجل، هيعمل إيه يعني؟!».