«بتحسبوها بالنية يعني؟».. عمرو أديب يعلق على تقرير انخفاض التضخم في مصر

الموجز  

أعرب الإعلامي عمرو أديب، عن استغرابه من التقرير الصادر عن الجهاز المركزي للتعبئة العامة والإحصاء، والذي تحدث عن استمرار تباطؤ المعدل السنوي للتضخم في المدن المصرية، مسجلاً 29.8% في يناير، مقارنةً بـ33.7% في ديسمبر 2023.

وخلال تقديم برنامجه "الحكاية" المذاع عبر فضائية "إم بي سي مصر" مساء أمس السبت، قال أديب: "استغربت جدا من التقرير النازل عن انخفاض التضخم في مدن مصر، وخاصة في السلع اللي زادات كلها، معرفش بيحسبوا التضخم إزاي، بالنية يعني؟!".

وأضاف الإعلامي: "أقول للقائمين على الأمر، أنا لا أكذبكم، أنتم معكم الخير كله وجاهزين وهتحلوا ومش نايمين وتعملوا بالليل والنهار، لكن يلا كل ما نتأخر بنرجع نرد تاني".

وأشار إلى أن المتداول خلال الفترة الأخيرة سواء بشأن مشروع رأس الحكمة، أو التوصل إلى اتفاق مع صندوق النقد الدولي، واعتزام ضخ موارد دولارية جديدة، لم يتحقق على أرض الواقع.

ولفت مقدم برنامج "الحكاية" إلى أن "الاقتصاد لا ينتظر أحدًا"، متابعا: "لو عليك شيك بكرة في البنك متقدرش تقول للبنك على فكرة أنا جاي لي فلوس أو حد هيبعت لي.. مش عاوز المبشرين دول يعملوا كده في الناس، بعد الأمور ما تهدأ مينفعش يسكتوا ولا حد يرد عليك".

وأكمل عمرو أديب: "نحن الآن في مواجهة مع الحقيقة، لابد أن تنتهي أشياء، إمضي وخلص أو نزل حاجة، السوق أصدق أنباء من الكتب، البيضة بكام والفرخة بكام واللحمة بكام؟ أنا لا أقف عند التعويم أو ميتعومش أو يركب بسكلتة، سؤالي السعر بالنسبة للمواطن اللي رايح يشتري لوبيا وكمون وفول كام؟ أنت ألعب ألعابك أنا مش خبير أو أستاذ فيها، لكن هل الدولار موجود في السوق، لو موجود الناس دي بتعلي الأسعار ليه؟! الواحد عقله هيفط منه".