عمرو أديب عن تراجع الدولار في السوق السوداء: «مشمش مش قليل وهيقاوم

علق الإعلامي عمرو أديب، على انخفاض سعر الدولار في السوق السوداء بشكل كبير خلال اليومين الماضيين.

وقال «أديب» خلال برنامجه «الحكاية» عبر شاشة «mbc مصر»، مساء الأحد: «مشمش بتاع الدولار اللي اتقبض على أعوان كتير ليه، هيقاوم نزول الدولار عشان مش عايز يخسر».

وأضاف: «مشمش النهارده بيشتري الدولار الرخيص عشان يعمل متوسط لنفسه، بس موضوع نزوله تحت الستين متضايقه أوي، لكن مشمش مش قليل وهيقاوم».

وتابع: «هيفضل في طلب على الدولار، فهل هتعرف تحافظ على الأسعار؟! عشان ما روحش لمشمش تاني، انت مشكلتين؛ مشمش وتوفير الدولار جوه السوق المصرفي، بابا بعت فلوس؟! يعني انت معاك دولار».

وأكمل «أديب»: «التحركات بتقول إن في حد معاه حاجة ومش عايزة يقولنا، بلاش خليه ميقولش عشان متنتظرش، بس انت عندك بضاعة في الموانئ واقفة طابور محتاجة 7 أو 8 مليارات دولار، غير الأقساط، غير أشياء تانية كثيرة، هل عندك قدرة على تبريد السوق؟!».