عمرو أديب عن انتخابات الرئاسة: مش محتاجين أي شيء يخلي الناس تحس أن الأمر مش طبيعي
![](https://new.almogaz.com/sites/all/themes/almogaz/images/sms.jpg)
![](https://new.almogaz.com/sites/default/files/styles/almgoaz_img/public/feed_images/23/12/02/00000000000000000.jpg?itok=23T03cK5)
الموجز
قال الإعلامي عمرو أديب إن الانتخابات الرئاسية في الداخل، والمقرر أن تبدأ في العاشر من الشهر الجاري، يجب أن تجري بها المشاركة دون مجاملة زائدة أو بشكل مبالغ فيه.
وأضاف أديب، خلال تقديم برنامجه "الحكاية" المذا عبر فضائية "إم بي سي مصر" مساء السبت: "يفز من يفز مش محتاجين تجويد أو مجاملة أو أي شيء يخلي الناس تحس أن الأمر مش طبيعي، الأيام اللي فاتت كان في أشياء شكلها مش طبيعي"، موضحا أن رأي المواطنين ومشاركتهم بالانتخابات الرئاسية مهمة للغاية.
وتابع الإعلامي: "نحن لا نتحدث عن انتخابات بها فارق 1%، والجميع يعلم هذا، لذلك أريد شكلا صادقا وجيدا، هستغرب جدا لو لقيت ناس عاملة خناقات، أنا رأيي أن هناك أحد المرشحين لديه أمل فيما بعد".
وواصل: "انت واخد بلد عندها تحديات ضخمة ومشاكل كبيرة، واختيارات شبه مستحيلة، عشان كده الشعب لا زم ينزل ويوضح هو شايف إيه".
وأشار مقدم برنامج "الحكاية" إلى أن الرئيس الموجود يريد معرفة رأي الشعب في فترة رئاسته، صناديق الانتخاب هي الرسالة الوحيدة الواضحة من الشعب للرئيس الموجود أو الرؤساء القادمين، منوها بأن هناك حملات تنمر على المواطنين الذين لديهم اختيارات مختلفة بين المرشحين الرئاسيين.
وأكمل عمرو أديب: "معندناش تقاليد الانتخابات، بره الناس بتروح تختار براحتها، فأرجوكم بلاش إرهاب البعض، ولا تتنمروا بأحد، احنا شعب لسه بيخاف من الديمقراطية، المصريون بالخارج طبعا أنتو هتموتوا وعايزين تعرفوا أنا عايز مين وهختار مين، طول السنين اللى فاتت عمري ما عملت كده ولا هعمل كده، أنا هروح الصندوق واختار اللي براحتي".