أحمد موسى للحكومة: مش كل ما نتزنق نجري على جيب المواطن
الموجز
أكد الإعلامي أحمد موسى أن مجلس النواب سوف يناقش غداً، الأحد، قانون ضريبة الدمغة ورسم تنمية الدولة والمسارح.
وقال موسى، خلال تقديم برنامجه "على مسئوليتي" المذاع عبر فضائية "صدى البلد" مساء السبت،: "أنا بناشد مجلس النواب، المواطن مش حمل إضافة أي جنيه على أي سلعة تاني، والـ 100 مليون مصري كلهم زعلانين من زيادة الأسعار".
وأضاف الإعلامي: "مفيش دولة في العالم كل ما تتزنق تروح لجيب المواطن.. الحكومة لازم تطبطب على المواطن.. إزاي واحد رايح نادي يفرح شوية يدفع رسوم؟.. وإزاي سائح جاي عندي أقوله هاخد منك 50 جنيه وأنت ماشي عشان يروح ميرجعش عندي تاني".
وتابع: "يا جماعة يا مجلس النواب، أجلوا موضوع ضريبة الدمغة ده.. ما الموضوع كان من سنة واتأجل عادي.. إزاي آخد إجراء زي ده في الوقت ده؟.. لو سمحتوا يا مجلس النواب أمامكم مسئولية تاريخية غدًا.. مش كل ما نتزنق نجري على جيب المواطن.. اللي بيحصل ده غلط".
واختتم أحمد موسى: "ليس هذا التوقيت المثالي لزيادة أي أسعار.. كفاية أرجوكم.. المواطن يحتاج للطبطبة.. والسائح أما يجيلي أبوسه".