هو فيه حد مش بيلبس بوكسرات؟!.. عمرو أديب يدافع عن حسين فهمي بعد جدل إعلان الملابس الداخلية

علق الإعلامي عمرو أديب، على حالة الجدل التي أثيرت بشأن إعلان الملابس الداخلية الذي قدّمه الفنان حسين فهمي، خلال شهر رمضان الكريم.

وقال خلال برنامجه «الحكاية» عبر شاشة «mbc مصر 2»، مساء الأحد: «إيه يعني لما حسين فهمي يعمل إعلانات بوكسرات.. هو فيه حد مش بيلبس بوكسرات.. الراجل بتيكلم عن القطن المصري وعظمته.. سيبه الناس في حالها».

وأضاف أديب: «وإحنا صغيرين اللي كان بيشوف حسين فهمي بتكون أمه داعية له.. إيه المشكلة في الإعلان اللي عمله.. الإعلان ده زي اللي بيعمل إعلان لموبايل.. كلها منتجات بيتم الترويج لها».

وأشار إلى أن الإعلانات تمثّل صناعة متكاملة، متابعا: «الناس شاركت في إعلانات.. هم عملوا إيه قبيح؟.. إحنا دلوقتي بنخلص صيام ونشوف هنبهدل مين .. الناس دي عندها أسر وولاد ومدارس وكمان عندهم مظهر بيصرفوا عليه كتير وبيلبسوا غير أي حد علشان ظهورهم يبقى مختلف».

واعتبر أن الإعلان الذي ظهر فيه نجم المنتخب الوطني محمد صلاح، لا يختلف عن غيره من الإعلانات، معقبا: «طالما بيبيعوا منتج حلال وبالذات لما يكون مصري تبقى حاجة عظمة».

وانتقد أديب ما يحدث مع الفنانين قائلا: «اللي بيحصل مع الناس دي هيخليهم يقعدوا في البيت ومحدش بيسأل فيهم لما بيكبروا».