«عايزين حلول للأزمة».. عمرو أديب لأعضاء الحوار الوطني: هتتكلموا امتى؟ انتوا بتدخلوا المغارة ومش بتطلعوا؟
الموجز
تساءل الإعلامي عمرو أديب خلال تقديم برنامجه "الحكاية"،: "فين الحوار الوطني؟".
وقال أديب، في برنامجه المذاع عبر فضائية "إم بي سي مصر" مساء الإثنين، لأعضاء الحوار الوطني: "كل ده لسه بتعملوا اللجان؟.. ده أنتم لو بتعملوا حزب الاتحاد السوفيتي كان زمانكم ظهرتوا واتكلمتوا.. يا خبراء يا اقتصاديين يا اللي أنتم في الحوار الوطني.. أنتم بتدخلوا المغارة ومش بتطلعوا؟".
وأضاف الإعلامي: "عايزين حلول للأزمة.. اطلعوا قولوا أي حاجة.. أي اقتراح.. قولوا رأيكم مثلا في الشهادات بعائد 25%.. رأيكم مثلا في بيع جزء من الأصول".
وتابع: "داخلين على سنة وأنتم مش موجودين.. والبلد محتاجة اللي يقف جنبها.. إحنا شوية وداخلين على رمضان وبعدين العيد والساحل الشمالي.. هتتكلموا امتى؟".
وأكمل عمرو أديب موجهاً حديثه للدكتور ضياء رشوان قائلا: "كفاية تنظيم للحوار الوطني.. عايزين حلول للأزمة.. محتاجين مساعدتكم.. الاقتصاد محتاج خبراء يقولوا رأيهم ويقترحوا أي حلول".