عزة مصطفى تهاجم تقديم «سيرة الشعراوي» على المسرح القومي: نفسي أشوف هيقدموا إزاي «مشهد ركعتين الشكر على هزيمة مصر في 1967»

الموجز
توك شو
2023-01-05 17:59

الموجز

بعد الإعلان عن تقديم مسرحية عن الشيخ الشعراوي ، على المسرح القومي ، انتقدت الإعلامية عزة مصطفى، خلال برنامجها  "صالة التحرير" المذاع عبر فضائية "صدى البلد" تقديم سيرة الشيخ الشعراوي على المسرح القومي، بسبب عدد من الفتاوى التي أثارت الجدل والهجوم عليه.

وقالت الإعلامية عزة مصطفى : إيه الإبداع في الشعراوي يا مدير المسرح القومي عشان تقدمه ، كفاية مزايدة يا جماعة ، هو إحنا عشان نثبت اننا مسلمين ومؤمنين وبتوع ربنا فنقدم الشعراوي ! 

ووجهت الإعلامية عزة مصطفى رسالة لوزيرة الثقافة قائلة: "المصنع قفل فى السعودية الوكيل اللى شغال فى مصر ليه ؟".

وتابعت : "هتعرضوا رحلة الشعراوي من بداية اتفاقه مع شيوخ الصحراء على نشر أفكارهم السلفية في مصر، وإنه يسيطر على عقول الأرياف؟ الحكاية كانت متقسمة مصطفى محمود يتساب له الطبقة الوسطى والأغنياء، والشعراوي للأرياف".

وأضافت: "هل هتكون قادرًا على تقديم كل تفاصيل حياة الشعراوي، وكل أفكاره، وما يريد نشره في مصر، هل هتقول إن الشعراوي حرض على قتل تارك الصلاة، وفتاوى الشيخ الشعراوي إنه حرم فوائد البنوك، وما زال مريدو الشعراوي فلوسهم في بيوتهم وليس في البنوك، وتعرضوا للسرقة والخطر، والنصب من المستريحين وفلوسهم راحت بسبب فتواه، هتقولوا إنه حرم نقل الأعضاء، وحرم عمل المرأة، وقال إن الست غير المحجبة من حقها جوزها يشك عيالها منين".

واختتمت بتوجيه رسالة لوزيرة الثقافة: "فيه ناس بتقدس الشعراوي، محدش بيقدر ييجي جنبه وإلا يتقطع، ما الإبداع في الشعراوي عشان تقدمه، عشان نثبت إننا مؤمنين وبتوع ربنا نقدم الشعراوي؟ وهتقدم لي إزاي مشهد صلاة الشعراوي ركعتين حمدًا وشكرًا إن مصر هزمت في 67؟".

 

 

تعليقات القراء