«المصريين بيفتقدوا المصداقية.. إحنا مش في 67».. حياة الدرديري: هذه هي أسباب ابتعاد الناس عن الإعلام (فيديو)
الموجز
أكدت الإعلامية حياة الدرديري، أن مشكلة الإعلام المصري حالياً هو "المصداقية"، مضيفة: "الناس ابتعدت عن الإعلام، سمعتها من 99.9% من الناس اللي بشوفهم".
وأضافت "الدرديري"، في بث مباشر عبر حسابها الخاص بموقع "انستجرام"،: "ليه الناس بطلت تتفرج على التوك شو؟، في رائي المتواضع البسيط اللي مالوش أي لازمة أن المصريين بيفتقدوا مصداقية الإعلام".
وأوضحت الإعلامية: "المصريين عايزين اللي يطلع في الإعلام ميقولش الحياة جميلة والدنيا منورة، لا عايزين يقولهم الحقيقة يقولهم إن الأسعار ارتفعت وبترتفع وهترتفع".
وأضافت: "الناس عايزة من الإعلام اللي يقولهم ياجماعة خلي بالكم علشان الفترة دي عندنا مشكلات اقتصادية وأزاي الناس تعيش المرحلة دي" قائلة: "مفيش شفافية في تناول الموضوعات".
وتابعت "الدرديري": "اللي بيسمعوه في الإعلام حاجة واللي بيشوفوه على السوشيال ميديا حاجة تانية واللي بيشوفه بره مصر حاجة"، مضيفة: "إحنا مش في سنة 67 إحنا في 2023 في القرن الواحد وعشرين في زمن السماوات المفتوحة العالمي كله حاجة بتتعمل ولو في جزيرة في أقصى الأرض كل الدنيا بتعرفها"، مضيفة: "مينفعش نقول للناس كلام مش بيحصل ولا هيحصل".
وردت الإعلامية على سؤال متابعة حول الأيام القادمة، حيث قالت: "لو فتحنا إحنا رايحين فين أنا مش عايزة اتحبس".
وفي وقت سابق، قالت حياة الدرديري في بث مباشر ايضاً إن المشهد الإعلامي يحتاج إلى ضبط، خاصة أن هناك إعلاميات يتحدثن في موضوعات لا يجب أن تدخل بيوت ومنازل المصريين، ضاربة المثل بإعلامية لم تسمها قالت إنها تتحدث بالأمثال العامة، وتستخدم ألفاظ مثل "المشعوطة".