شرح توضيح.. شريف عامر يرد على منتقدي حلقة شيماء: «الأغلبية مشافتش.. والصمت ليس ضعفاً»

الموجز   

علّق الإعلامي شريف عامر على الجدل المثار بشأن حلقة برنامجه "يحدث في مصر" التي استضاف خلالها أحد مؤدي المهرجانات صاحب أغنية "شيماء" التي أثارت جدلاً واسعاً على مواقع التواصل الاجتماعي.

وقال عامر، خلال تقديم برنامجه المذاع عبر فضائية "إم بي سي مصر" مساء الثلاثاء،: "في خلال الكام يوم اللي فاتوا حصلت عاصفة كبيرة من ردود الفعل بخصوص يحدث في مصر وبخصوصي، وطبعًا بخصوص شيماء وصاحب مهرجان شيماء".

وأضاف عامر: "بنلخص ردود الفعل في 3 فئات، الأولى مشاهد عاتب علينا بشكل حقيقي وصادق معتبرين البرنامج أهم وأفضل من صاحب شيماء، ليكم عندنا حق الاحترام والتوضيح، وفئة أخرى يعتبرونا موجهين وأصحاب أجندات وجزء من المؤامرة الكونية العظمى هنحاول نرد عليهم ونقنعهم، والفئة الثالثة أصحاب مع الأسف هما أصحاب الأجندات والهوى والمصالح الضيقة جدًا وهي الفئة الأقل".

وتابع: "من الملاحظ أن الأغلبية مشافتش ومتابعتش وكانت والانفعالات والعواطف تسبق السؤال والتدقيق، وبالنيابة عني وعن زملائي وباعتبار إني موقفتش في الموقف دا قبل كده احنا بنخلص السنة الحالية السنة الـ8 لينا على الشاشة دي، ومتصورش في أي لحظة قبل كده كنت مضطر أبرر عن نفسي".

وأكمل عامر: "هدفي أن ولادي في مدارسهم وجامعتهم وبعد عمر طويل ليا ميسمعوش حاجة ضد أبوهم وعلى مستوى القناة 8 سنين، قضيت في القناة أطول مرحلة في سنوات شغلي قناة محترمة ومؤسسة مهنية الأكبر والأهم قدرت تخدم جمهور".

وواصل الإعلامي: "كتر خير كل شخص ساند مذيع زيي، طبعًا في الأفضل مني وادعي إني بحاول أبقى مجتهد وببقى ملتزم بالصدق والمؤسسة عارفة كده كويس مطلبتش مني الا الاجتهاد والصدق".

وأضاف: "احنا منعرفش الـ100 مليون بيعملوا ايه كل يوم، لحد دلوقتي احنا متصورين أن التليفزيون الأكثر تأثيرًا أنا اكتر واحد هبقى زعلان وانا بقول دا بدأ يتغير، ومصر بلد كبيرة وعندها مشاكل بتواجهها لازم نتكلم عنها بطريقة عاقلة ومحترمة دا جوهر شغلنا".

واختتم شريف عامر: "لو بتحكم بهوايا وذوقي في مين ييجي ومين ميجيش البرنامج هيبقى ممل جدًا، البرنامج اسمه يحدث في مصر طريق الكباش ويحدث في مصر شيماء وصاحب شيماء"، مؤكدًا: "بطلب من حضراتكم تقدروا حاجة إني أنا أعزم في بيتي اللي يعجبني اختار اللي أقعد معاه بعد ما أخرج من الاستديو لكن البرنامج اسمه يحدث في مصر بنتعامل مع كل الموضوعات"

تعليقات القراء