ممرض واقعة الكلب ينهار من البكاء: مش عارف أخرج من البيت وبفكر في الانتحار (فيديو)

كتب: ضياء السقا

دخل عادل سالم الممرض صاحب واقعة الإهانة من طبيب جامعة عين شمس، في نوبة بكاء على الهواء، بسبب ما حدث.

وأضاف باكيا، في مداخلة هاتفية خلال برنامج " كلمة أخيرة " الذي تقدمه الاعلامية لميس الحديدي على شاشة " ON" : "أنا مش عارف أخرج من البيت ولا عارف أمشي وافكاري بتروح لحاجات كتيرة إلى زي الانتحار".

وأكمل الممرض : " مكنش هزار  ودخل معايا في الواقعة على طول وقلي إزاي تقول على الكلب بتاعي كده؟! والحكاية دي حصلت من ستة اشهر   "

وتابع: " أنا ولادي عندي بالدنيا ومش عايز أتكلم كتير في الموضوع ده وانا أدليت بأقوالي   في التحقيقات النهاردة "

وأكد أنه وقت الواقعة لم يكن قادراً على الحديث فقط كان كل تفكيره أن يخرج من ذلك الموقف السخيف قائلاً : " انا راجل بسيط  جداً وبحب شغلي ووقت الواقعة مكنتش اقدر أعمل حاجة  لأن الي حصل كان من أستاذتي الكبار كنت بفكر بس اخرج من الموقف ده "

وواصل: " انا مكنتش أعرف ان ده يحصلي  الطبيب إستدعاني وكنت فاكره عاوزني في شغل لحد مافوجئت بالي حصل ده وتم إغلاق الباب وقتها ولم استطع الخروج كان فيه حد واقفلي على الباب   منعني من الخروج  ".

واستطرد: "أنا فوجئت  بالواقعة وكنت عاوز أخرج  من الموقف  بالشكل ده ومكنتش أعرف أني بتصور وفوئجت بحد بيكلمني بيقلي  شفنا الفيديو وفكرت حد بيهزر من زمايلي أو الاطباء  وقفلت السكة في وشه وقلتله أنا في عملي لكن فيه حد من المستشفى قلي  رد على الي بيتكلم دي  جهة   سيادية بتحقق   "

وكشف أنه تواصل مع الطبيب صاحب واقعة الاهانة قال له : " الموضوع بسيط  ياعادل لاتقلق  ولما وجدته في التواصل الاجتماعي وشاشات التلفاز تعرضت لانهيار".