«4 أشخاص وفيلا والساحل وقاضي».. عمرو أديب يعلّق على واقعة اغتصاب فتاة بالساحل الشمالي: «كل ده عشان تلمس جسم واحدة غصب عنها؟»

الموجز
توك شو
2021-01-23 00:43

الموجز  

علّق الإعلامي عمرو أديب على واقعة استدراج وخطف فتاة، واغتصابها بإحدى القرى السياحية في الساحل الشمالي.

وقال أديب، خلال تقديم برنامجه "الحكاية" المذاع على فضائية "إم بي سي مصر"،: "ناس سيئة، كل التخطيط والتكتيك كل دا علشان تلمس واحده غصب عنها.. أنا مش عايز أقول جمل تبان إنها غريبة".

وأضاف أديب: "4 أشخاص وفيلا والساحل وقاضي علشان تقدر تلمس جسم واحدة غصب عنها.. شيء لا يصدقه عقل".

وتابع الإعلامي: "البنت قامت وصرخت وقلبت الدنيا.. واحد منهم قالها هنعمل وثيقة جواز عرفي و2 مليون جنيه وهديكي 3 مليون جنيه لو سكتي."

وقال: "كان ليه كل ده؟ بالـ 5 مليون جنيه دول تعيش ملك.. الواحد بيبص للقذارة والجريمة.. وهي مهما كانت حسناء مفيش أي مبرر".

وأكمل: "اللي بيحصل النهاردة ده بيقولنا مفيش حد فوق القانون في مصر ومفيش تلفيق.. غلطان هتتعاقب وهتصل إلى المحكمة وحضرة القاضي هو اللي يقرر".

وأردف أديب: "كل متهم بريء حتي تثبت إدانته أنا لا أدين أحد.. بعد كدا هنشوف ايه اللي هيحصل.. والناس دي هتقف قدام واحد من أكبر قضاة مصر.. وأنا أحترم ما يقوم به السلك القضائي".

تعليقات القراء