بماذا نصحت والدة الرئيس زوجته السيدة انتصار؟ وما هي نصيحة والدتها لها

الموجز

أكدت السيدة انتصار السيسي قرينة الرئيس عبد الفتاح السيسي، أن والدة الرئيس كانت تنصح جميع بنات العائلة بمافيهم هي، قائلة :" والدة الرئيس كانت تنصح دائما زوجات أخو الرئيس لأنهم كانوا يعيشون في منزل واحد.

وقالت "انتصار" خلال  لقاء خاص ببرنامج "صاحبة السعادة" المذاع عبر فضائية " dmc"، اليوم الخميس،  ان والدة الرئيس قالت لجميع زوجات أبنائها :" لازم تكونوا عارفين إيه اللي ينجح البيت ده إن كل واحدة فيكم تبقى عارفة كويس إيه الكلام اللي تقوله واللي ما تقلهوش، واللي عايزة تخرج مع زوجها وأولادها لها حرية شخصية وتعتبر نفسها في بيت لوحده".

وتابعت : والدة الرئيس قالت لنا كلكم حبايبي والبنات زي الصبيان.. وكانت بتقول لو الأولاد طلعوا على إن طبيعة كل بيت زي التاني هيطلع عندهم توازن لأن الصح والغلط هيكون في كل بيت ويطلعوا بيحبوا بعضهم ويعرفوا الحلال من الحرام.

وكشفت السيدة انتصار عن نصيحة والدتها لها، قائلة :قالت لي مش عايزة أقول لك على حاجة لأن أنا عارفة إنك متربية صح وبطبيعتك هتتآلفي مع أي طبيعة في الدنيا، وهما طبيعتهم زينا فمش هتلاقي غربة، والحمد لله ده أعطاني ثقة في نفسي والحمد لله نجحنا إن احنا دايما مع بعض.

تعليقات القراء