«ممكن أطلعلك من الحمام».. عمرو أديب للإخوان: «هخرج أنكد عليك وعلى أهلك»

الموجز  

علّق الإعلامى عمرو أديب على هاشتاج اقتحام مدينة الانتاج الإعلامي والذى أطلقه عناصر جماعة الإخوان الإرهابية. 

وقال أديب، خلال تقديم برنامجه "الحكاية" المذاع على فضائية "إم بي سي مصر" اليوم الإثنين،: "الإخوان عندهم مبدأ وحش أوي، هو مبدأ الإزالة، بمعنى أنهم معندهومش شخص قادر على المناقشة والإقناع ومعندوهمش أي مواهب، هما ناس ضعيفة وأسهل حاجة عندهم هي الموت أو القتل أو الإزالة عشان يخلص، تروح للشيخ منهم تقوله الحل ايه يقولك شيل على طول، عشان كدة طلعوا هاشتاج بالشكل ده".

وأضاف أديب: "الناس دي دماغها تعبانة أوي بصراحة، الزمن اتغير يا جماعة، مفيش حاجة اسمها تقفل قناة، لا الكلام ده كان زمان، أنا ممكن أطلعلك دلوقتي من الحمام عادى جداً، وتلاقيني بهزئك وبرد عليك وبفحمك".

وتابع الإعلامي: "لازم تبقوا عارفين كدة كويس، الإعلام مش هيقف لو مدينة الإنتاج وقفت، فدعواتكم دي مالهاش لازمة".

تعليقات القراء