عمرو أديب يتحدث عن خناقة قيادات الإخوان بسبب محمد علي

الموجز
توك شو
2020-09-21 23:01

الموجز  

علّق الإعلامي عمرو أديب على الدعوات التي تطلقها جماعة الإخوان الإرهابية لإثارة الفوضى في مصر وتخريب البلاد.

وقال أديب، خلال تقديم برنامجه "الحكاية" المذاع على فضائية "إم بي سي مصر" اليوم الإثنين،: "واضح أن الجماعة مستكترين أنهم يمشوا ورا الواد اللى اسمه محمد على، وحاصل خناقة جوة الجماعة، والأمر له علاقة بالفلوس، وفى كلام بينهم دلوقتى على الرواتب اللى بياخدها الناس اللى مشغلينهم على مصر، وكان الأمر ده بيحصل من تحت لتحت ومن سكات، لكن إمبارح لاقيت رموز إخوانية كاتبة تويتات مباشرة بتقول أنتوا بتفبركوا فيديوهات ما تيجبوا فيديوهات جديدة، وبيخبطوا فبعض جامد".

وأضاف أديب: "لو حد زعلان أو حد غضبان أو حد عنده مطالب، ماشي أنا ممكن أقتنع، لكن امبارح شوفت حاجة غريبة، هاشتاج طالع تريند اقتحموا مدينة الإنتاج، هو من أمتى تويتر بيسمح بالحاجات دي؟".

وتابع: "أنا فاكر لما حازم صلاح أبو إسماعيل كان معتصم والناس بتوعه خارج المدينة، وحازم صلاح كان واقف مستنيني بالسكينة برة، وفيوم اقتحموا المدينة ودوروا علينا ملقوناش".

وقال الإعلامي إن "الإخوان بقى عندهم هيستريا الهاشتاج، على فكرة هما غيروا اقتحام مدينة الإنتاج وبقت مدينة الإنتاج بس، قال يعني بيضحكوا على تويتر، هو تويتر ده مفيهوش حد بيفهم عربي يا جماعة؟".

وأضاف: "الحمد لله الداخلية بتاعتنا مفيش مشاكل أو حاجة نتوقف عندها، والأمور ماشية بشكل طبيعى، والأمن بيتعامل بشكل جيد جدا بمنتهى الأمانة".

وقال عمرو أديب: "لبنان انهاردة كانت بتحط وزارة، وخلال لقاء الصحفيين مع رئيس الجمهورية، صحفية بتسألوا أحنا رايحين على فين، الراجل رد بمنتهى السرعة إحنا رايحين على جهنم، إجابة صادمة بتدل على صعوبة الأمر في لبنان، والمحافظة على الدولة أمر ليس يسيراً".

تعليقات القراء