عمرو أديب: إفلاس الإخوان ظهر في إنهم بقوا ماشيين ورا محمد علي ومصدرينه

الموجز

أكد الإعلامي عمرو أديب، إن الحقيقة اليوم واضحة وضوح الشمس أنه لم ينزل أحد، معلقاً: "الشارع أهدا من الهدوء النهاردة، وأنا اتضايقت لما لقيت محطات الإخوان بتشتم الشعب المصري وبيتجنوا عليها، لغاية أمبارح بالليل كان الشعب المصري جميل وفاجأة يزعقوا "انت ليه منزلتش".

وقال "أديب" خلال تقديم برنامج "الحكاية"، المذاع عبر فضائية "MBC مصر": زي ما حضراتكو لاحظتو فيه ناس بتحزق جامد، لغاية دلوقتى لم ينزل أحد بالرغم من المناشدات، حقيقة الأمر هم واحنا عارفين اللي كانوا عاوزينه النهاردة لم يحدث، هم ابتدوا يقولوا في قنواتهم ليه الناس منزلتش.

وأضاف: مصر مفيهاش سر لو الناس نزلت هنقول نزلوا"، مؤكدا أن ما تقوم به الإدارة للشعب لا علاقة له بالصراع على الشارع والسلطة"، معقبا: الطبيعى أن نقدم للشعب أفضل شيء بدون خناقة ومعارضة، وهو دا اللى المفروض يكون الاتفاق المجتمعى والعقد الاجتماعى بين الشعب والإدارة التي تحكمه، حقه الشعب حياته تبقى أحسن وأفضل.