’’اللي بيدفع التمن المواطن الغلبان‘‘.. عمرو أديب يكشف حقيقة مظاهرة السويس.. ويعلق على دعوات الإخوان للتظاهر

كتب: ضياء السقا

عرض الإعلامي عمرو أديب، فيديو تداولته القنوات المعادية لوقفة بها عشرات في السويس، منوها بأن هذا المشهد استمر 5 دقائق، معلقا: "إتقال فيه شتمتين ومشيوا".

وأشار "أديب"، خلال ببرنامج "الحكاية" المذاع عبر فضائية "إم بي سي مصر"، مساء الجمعة، إلى أن العدد الموجود بالفيديو لا يزيد عن 10 أشخاص، معلقا: "دي متنفعش شرارة، ولا حتى عود كبريت"، منوها بأن خطتهم التجمع في شوارع جانبية وتصوير فيديو لهم، ونشره على "السوشيال ميديا".

وأكد: «الفيديو ده الإخوان تداولوه النهاردة وبيقولك شرارة، أديكو شايفين الفيديو، لا شايفين شرارة ولا نيلة، لو أنتوا شايفين شىء ضخم وحاجة تقلق قولولي يمكن أنا مش واخد بالى».

وواصل: «الإخوان بيقولوا متروحوش أماكن مفتوحة، بيقولوا لأنصارهم انزلوا أماكن مقفولة واهتفوا هتافين تلاتة، كل ده على أمل الشرارة، واحنا شايفين عود كبريت وقع في المحيط محدش شافوا ولا حس بيه، وعلى فكرة هما عملوا كدة السنة اللي فاتت بالظبط لكن فشلوا برضه».

وأردف: «الناس دي بتعمل ثورة على تويتر بس، وكلهم برة مصر، وعلى فكرة أنا بحترم آراء كل الناس، واللي عاوز يقول حاجة يقولها، بس نتكلم صح ونقول آراء صح، الناس دي بتكرر نفسها بسذاجة غريبة، احنا شوفنا في فرنسا وأمريكا مظاهرات كتير أوي، يعني حتى لو ده حصل فهي لا شرارة ولا نيلة الناس دي عاوزة الناس تنزل بأي طريقة».

وتابع: «الناس اللي بتكلمنا عن النزول، بتكلمنا كأنهم عارفين احنا عاوزين إيه، مش تسألني الأول أنا عاوزك ولا لا، وهو مين أصلا اللي بيقولي أنزل؟ هل أنا موافق أني أسلم بلدي لقوى خارجية أو لقطر؟ أنا عاوز أعرف أنا بتعامل مع مين؟ عرفوني هسلمها لمين بس عشان نبقى على نور، مهما كانت مشاكل مع بلدي، والله أبدا البلد دي متتحكمش من أي جماعة أو بلد تانية».

وأضاف، "بكرة هيحاولوا في حاجة تانية، نفس اللي عملوه السنة اللي فاتت.. حرام عليكم احترموا عقلنا"، لافتا إلى أنه منذ 2013 ظهرت أكثر من 500 دعوة للخروج.

وعلق الإعلامي على الدعوات الأخوانية التي يقودها الهارب محمد على المطالبة بنزول المواطنين يوم 20 سبتمبر الجاري قائلا:" عايزين نعرف بعد ما نجيب عاليها واطيها.. قولولي مين اللي جي عرفونا بنكلم مين".

وتابع أديب :"الناس اللي بتكلمنا عن النزول.. مش عايزين تعرفوا بقى أحنا مش عايزين أيه ؟.

وشدد الإعلامي على أن دعوات جماعة الإحوان الإهاربية هدفها  هدم الاستقرار والبناء في مصر، قائلا:" اللي بيدفع تمن المظاهرات المواطن الغلبان بس مش حد تاني".

وختم حديثه قائلا :" بالنسبة لدعوات النزول في مصر أحنا بنبي من الصفر ليه عشان كل حاجة اتهدت".