عمرو أديب عن تصريحات صلاح: شكله هيخلص مع ليفربول ويجي الأهلي
علق الإعلامي عمرو أديب على تصريحات محمد صلاح بشأن نهاية تعاقده مع ليفربول الموسم الحالي.
وقال عمرو أديب مازحا خلال برنامج “الحكاية” المذاع على قناة “إم بي سي مصر”:"ميكونش محمد صلاح هيخلص ليفربول ويجي الأهلي أصل ده هو اللي ناقص وشوبير كل يوم قاعد يعد لنا واحد وراء واحد".
وأضاف:"طيب هو صلاح يعني لو مشي من ليفربول أين يذهب؟ هو ده السؤال المطروح حاليا بعد إعلانه اليوم بأنه يستمتع بموسمه الأخير مع الريدز".
ولفت إلى أنه من الناحية التسويقية والترويجية صعب إن ليفربول يحسبها إن محمد صلاح تقدم في السن ومنجددش له عقده بعد موسمه الأخير".
وأكمل:"محمد صلاح ده راجل دماغ ومخطط عظيم مش مجرد لاعب كرة لإنه بيقول قعدت فترة الإجازة اتأمل حياتي وما سيكون في المستقبل".
وتابع: النهاردة يوم مصر محمد صلاح وعمر مرموش ومصطفى محمد ومحمد عبد المنعم، اللي يشو جون مصطفى محمد عالمي وعمر مرموش نفس الشئ ومحمد عبد المنعم والمشاركة وفوز فريقه برباعية وعظمة صلاح مع ليفربول امام اليونايتد..يوم عظيم لكل المصريين في الدوريات العالمية".