«نجلاء فتحي قالتلي رمضان ده للفقراء».. ميار الببلاوي: دعيت على إيناس الدغيدي في الحرم بسبب مشاهدي الجريئة

الموجز 

كشفت الفنانة المعتزلة ميار الببلاوي عن كواليس مشاركتها في فيلم "ديسكو ديسكو"، حيث قالت: "مكنتش مصدقة نفسي وكنت مطيعة جدا وحابة الموضوع جدا".

وفي حوارها مع الإعلامية بسمة وهبة ببرنامج "العرافة" المذاععبر فضائية "النهار" مساء الأحد، قالت "الببلاوي": "مكنتش محجبة وكنت صغيرة، ودخلت عشان أعمل مشهد وطلبت أعمله بعد الفطار لكن اتقالي لأ".

وأضافت الفنانة المعتزلة: "كنت بصور في الديسكو أسبوعين كنت أنا وأختي الوحيدين اللي صايمين من بين الفنانين الشباب، وصورنا طول النهار في الديسكو، مكنش ينفع صيام لأن كل المشاهد كان فيها شرب، وفي يوم المشهد المثير للجدل، دخلت الحمام وقفلت عليّ وإيناس الدغيدي اتعصبت عشان مكنش ينفع أقعدهم ساعتين لحد الفطار عشان أعمل مشهدي، وكنت بعيط عشان مفطرش وأضيع وقت".

وتابعت ميار الببلاوي: "كان يجب أن يقنعني أحد بأن أفطر، وهنا جاء دور نجلاء فتحي، كانت إنسانة رائعة ولو قالت لي ارمي نفسك في النار هرمي، وجات قالت لي يلا يا حبيبتي عشان تعملي المشهد، وأقنعتني بأن رمضان مش بناكل فيه عشان نبقى زي الفقراء وافطري متخفيش الموضوع هيعدي"، بحسب ما نقل موقع "أهل مصر". 

وكشفت أنها دعت على المخرجة إيناس الدغيدي في الحرم بسبب مشاهدها في "ديسكو"، مضيفة: "مكنتش عاوزة أعمل كل المشاهد دي في فيلم ديسكو، ولا كنت عاوزة ألبس مايوه".

وأكملت الفنانة: "مكنتش عاوزة مشهد عمرو عبدالجليل ولا مشهد شريف منير، والحاجات دي كلها عملت لي مشاكل، وأنا الحمد لله اتحجبت فمش عايزة حاجة زي كده تتعرض".

واختتمت ميار الببلاوي: "مش عايزة حد يجيب سيرة المشاهد دي، المشهد ده ميصحش ولا يليق برمضان، كنت عندي 19 سنة وفرحانة إني بشتغل في التمثيل وبشتغل قدام نجلاء فتحي وصلاح ذوالفقار رغم إني مكنتش أحلم أشوفهم حتى".