كاد يسبب لها مشكلة مع عبدالمنصف.. لقاء الخميسي تكشف تفاصيل رفضها فيلم «إحكي يا شهرزاد» بسبب مشهد جريء

الموجز    

كشفت الفنانة لقاء الخميسي أنها رفضت المشاركة في فيلم "إحكي يا شهرزاد"، وفيلم "سكوت هنصور" بسبب المشاهد الجريئة.

وخلال حوارها ببرنامج "أسرار" مع الإعلامية أميرة بدر والمذاع عبر فضائية "النهار" مساء أمس الثلاثاء، قالت "الخميسي" إنها لم تعتاد تصوير المشاهد الجريئة في الأفلام، مضيفة: "اللي جوزي رفضه أنا كمان كنت هرفضه ولو كنت أنا صممت مكنش هيقبل وكان هيبقى في مشكلة".

وأضافت الفنانة: "فيلم إحكي يا شهرزاد اتعرض عليا دور المحامية اللي كانت قصاد أستاذ محمود حميدة، وكان في مشهد على السرير، واللي رشحني أستاذ وحيد حامد الله يرحمه، وقابلته في الفندق وأخدت منه الأسكربيت، وبعد ما قريت الإسكربيت رجعت قولتله مش هقدر أعمله علشان مشهد على السرير، قالي أنتي بتهزري أنتي بترفضي فيلم لـ وحيد حامد وأنا شايفك نجمة؟".

وأكملت: "قلت له أنا آسفه أنا مش عايزة أرفض الفيلم لكن لو حضرتك شيلت المشهد ده همثل، قالي مش أنتي اللي هتقولي لي أشيل إيه ومشيليش إيه".

وتابعت لقاء الخميسي: "زوجي عبدالمنصف لم يتدخل وهو كان سيرفض هذا المشهد وكان هيبقى في مشكلة وقتها لو عملت المشهد، لأن وقتها كان في حرب كبيرة من جمهور الزمالك، وأنا مكنتش حابه أعمل لجوزي مشاكل".