وصفه بأنه ليس مخرجا.. خالد يوسف يرد على تصريحات محمود حميدة

الموجز   

رد المخرج خالد يوسف على التصريحات لتي أدلى بها الفنان الكبير محمود حميدة بإنه "سياسي أكثر من كونه مخرجا".

وفي حواره مع الإعلامية أسما إبراهيم في برنامج "حبر سري" المذاع عبر فضائية "القاهرة والناس" مساء السبت، قال خالد يوسف: “هو عنده واقعة عالقة في ذهنه ودائما يحكي عنها وهي إني كنت في محطة مصر بصور ومأجرين عربية قطار واحدة نازل منها ناس”.

وأضاف المخرج: "كان المفروض ده مشهد في فيلم دكان شحاتة، والناس نازلة بتجري وأنا قولت "كات" لأن ماعملوش الحركة صح وطلبت انهم يطلعوا القطر تاني".

وأكمل: "بقية القطارات مش تبعنا وفيها جمهور تاني وسمعوا صوتي فرجعوا تاني القطار، ومحمود حميدة كان في القطار وهو نازل شاف الموقف ده، وشايف إن الناس العادية سمعوا كلامه ورجعوا، فقاله أنت تنفع سياسي أكتر من أي حاجة تانية".

وأكد خالد يوسف أن الفن وجهات نظر وليس فيه صحيح وخطأ، موضحا: "مفيش حاجة اسمها إن أنت قولت الرأي ده يبقى أنت غلط أو أنت صح، وقد يكون مش شايفني مخرج يبقى حقه بس أكيد ماكنش اشتغل معايا"، متمنيا العمل مع الفنان محمود حميدة مرة أخرى، مؤكدا أنه كان سيشارك في مسلسل "سره الباتع" لولا الخلافات مع الإنتاج وليس معه.