شيرين رضا: "عمرو دياب مبيصرفش على بنته"
استضاف برنامج "العرافة" تقديم الإعلامية بسمة وهبة، الفنانة شيرين رضا في حلقة اليوم الجمعة والذي يعرض على قناة "النهار".
وتطرقت "شيرين" عن مشاريعها الفنية، وعلاقتها بنجوم ونجمات الوسط الفني، إلى جانب علاقتها بابنتها نور الوحيدة من زوجها السابق النجم عمرو دياب، كما تحدثت عن تفاصيل وكواليس كشفتها لأول مرة عن فترة زواجها مع عمرو دياب.
وسألت "بسمة" الفنانة شيرين رضا عن ما إذا كان والد ابنتها "نور" النجم عمرو دياب يقوم بالإنفاق عليها نظرًا لإقامتها في لندن.
وردت "شيرين" قائلة: "هي بتعتمد علي نفسها من 5 أو 6 سنين من بعد ما خلصت دراسة وباباها هو اللي كان بيصرف عليها في دراستها وبعد ما خلصت بدأت تشتغل وده كان قرار مننا احنا الاتنين وأنا شوفت ناس كتير أوي في حياتي الفلوس دمرت مستقلبهم ومكناش عاوزين بنتنا يحصلها نفس الحكاية تتدلع وتاخد فلوس تعمل اللي هي عاوزاه بشوف ان ده بيضر مابينفعش والفلوس موجودة هي مش محرومة من الفلوس بس الاعتماد علي النفس والشغل وان هي تاخد ألف جنيه ولازم تعيش بيهم وتاكل بيهم وتشتري بيهم، واللي أخد القرار ده في الأول كان عمرو دياب ومعرفش اذا كان بيعمل كده مع ولاده التانيين ولا لأ".
يذكر أن اخر مشاركات الفنانة شيرين رضا كانت بفيلم "رحلة 404" بطولة النجمة منى زكي وعرض مطلع العام الجاري.