فيفي عبده: كل الرجالة بيخونوا زوجاتهم

الموجز  

قالت الفنانة الاستعراضية فيفي عبده، إن جميع الأزواج لديهم نزوات ويخونون زوجاتهم، مضيفة: "الرجالة كلها بتخون واللي تقول مش بيخون وماشي على الصراط المستقيم مش صحيح، ولا بد الراجل يكون عنده نزوات، وبتبقى قمر وتتخان والمفروض تعمل نفسها مش عارفة."

وفي حوارها مع الإعلامية أسما إبراهيم في برنامج "حبر سري" المذاع عبر فضائية "القاهرة والناس" مساء الأربعاء، قالت فيفي عبده: "الست لو واجهت الراجل بخيانته أكبر غلط لها في الحياة"، مواصلة: "الحياة دلوقتي صعبة ونسبة الطلاق عالية جدا، وهي حقها تفتش وراه وحقه يخلي باله من مراته ولكن الست لازم تفهم ولو عرفت أنه بيخونها تطنش."

وأضافت الفنانة: "الراجل لو بيحب مراته يبيع أي حاجة في الدنيا عشانها، لكن هي لازم تستحمل وتعدي، وكان في ناس بتحاول تشككني في جوزي ولكن مكنتش بعطي فرصة لكده."