موجها لها سؤالا على الهواء.. أمير كرارة يتحدث عن مشكلة مي عز الدين
الموجز
وجه الفنان أمير كرارة سؤالا للفنانة مي عز الدين علي الهواء، خلال حواره مع الإعلامية أسما إبراهيم ببرنامج "حبر سري" المذاع عبر فضائية "القاهرة والناس" مساء الإثنين.
وقال "كرارة" عن مي عز الدين: "دي الغالية بنت الأصول الإسكندرانية الجدعة، وأنا بحبها واشتغلنا مع بعض سوق الكانتو، وهي شخصية جميلة وملتزمة ومحترفة، بس عايز أقولها ليه بتختفي؟".
وأضاف الفنان: "فجأة مي عز الدين بتختفي من الحياة كلها، وبعد ما خلصنا مسلسل سوق الكانتو قلت لها عايزين بقى نبقى نتقابل ونجهز لشغل جديد، قالت لي طبعا وانت حبيبي واخويا فلقيت حد جنبي ضحك وقال لي احنا مع فركش النهاردة مش هتعرف حاجة عن مي عز الدين، وفعلا اختفت تماما وانا مش بزعل منها لأن لها حياتها وخصوصياتها وهي بعد كل شغلانة تفصل وتختفي خالص محدش يعرف عنها حاجة خالص".
وواصل أمير كرارة: "مشكلة مي عز الدين انها بتختفي تماما ومش عارف ليه بتعمل كده بس هي جدعة ولما بعمل اي فيلم بتكلمني وتهنيني".