«من قلة أدب في برنامج رامز جلال لبرافو كريم الشناوي» .. المخرجة نيفين شلبي : بلاش ممارسة الإرهاب النفسي علي «المسلسلات والإعلانات والبرامج»

الموجز

أشادت المخرجة نيفين شلبي بمسلسل "الهرشة السابعة" ، ووجهت تحية لفريق ومخرج العمل حيث كتبت تقول : الهرشة السابعة عمال بيحلو يوم عن يوم .

وتابعت موضحة : خناقة نادين ووادم خناقة بجد واقعية و حقيقية جدا سمعتها كتير من صحباتى ووعن الضغوط اللي ممكن اي ست او بنت تتعرضلها في شغلها.

وأضافت شلبي : المسلسل تفاصيله كلها جميلة مش بس السيناريو زي الملابس شعر امينة خليل اللي مش معمول و هي في البيت المكياج الطبيعي الهادي اللي اي بنت بتحطه مفيش اي حاجة بتعمل فصلان في المسلسل حتي الموسيقي مش محسوسه و مش مزعجة ... كل حاجة معموله بميزان بدون افورة برافو فريق العمل بجد عظمه و برافو طبعا كريم الشناوي مخرج العمل.


قلة أدب برنامج رامز جلال

وعبرت المخرجة الشهيرة عن استيائها من بعض المصطلحات التي ذكرها كهربا في برنامج رامز نيفر اند ، حيث كتبت تقول : هو ايه قلة الادب دي في برنامج رامز علي MBC ازاي اللي اسمه كهربا ده  يقول الالفاظ القذرة في برنامج اغلب جمهوره كمان اطفال الناس دي اتجننت .

المسلسلات و البرامج و الاعلانات اتعملت للجمهور

ووجهت شلبي رسالة حاسمة لمنتقدي الأعمال الرمضانية هذا العام قائلة : بلاش ممارسة الارهاب النفسي علي بعض ،  المسلسلات و البرامج و الاعلانات اتعملت للجمهور في الاساس مش للنقاد ، يعني مش الناقد المتخصص فقط اللي من حقه يقول رايه ، انت كجمهور او مشاهد عادي حقك تقول رايك سواء سلبي او ايجابي المهم ميبقاش فيه اساءة اخلاقية او كلام جارح ، و الصحفيين برصو دي شغلتهم نقل كلام الجمهور و تحليله ووالاخبار بدون اي اتهامات ليهم مسبقه ...

تعليقات القراء