شريف منير: أبويا روحه لبساني

الموجز  

كشف الفنان شريف منير عن عدد من كواليس حياته الشخصية، خلال حواره مع الإعلامية منى عبدالوهاب في برنامج "أنا والقناع" المُذاع عبر فضائية "الحياة" مساء السبت.

وقال شريف منير: "بعد ما أبويا مات وكبرت وخلفت وكنت أفتكر المواقف بيني وبينه، أقول كان عنده حق، عمري ما زعلت منه، ولو مكنش عمل كده كان خط حياتي في حته تانية خالص".

وتابع الفنان: "أنا مفتقده، كنت بتخض وأنا قدام المرايا إن أبويا روحه لبساني، بحركاته وأدائه"، وفقا لموقع "اهل مصر".

وواصل منير: "كل قرايبي كلموني قالوا أحمد منير قصادنا في مسلسل إيجار قديم، من كتر ما تأثرت بأبويا بقيت نسخة مطورة منه، دي جينات غصب عني، ونفسي ربنا يدخله الجنة، وأنا زعلان من نفسي إني زعلت من أبويا في يوم من الأيام".

تعليقات القراء