مسلسل «الاختيار 3» الحلقة 21.. تحذير شديد اللهجة من السيسي لـ مرسي

الموجز   

عرضت الحلقة 21 من مسلسل "الاختيار 3 - القرار"، تسريباً جديداً يتضمن تحذير شديد اللهجة من الفريق عبد الفتاح السيسي، للرئيس المعزول محمد مرسي، والقيادي الإخواني خيرت الشاطر.

وفي التسريب، يخاطب السيسي مرسي والشاطر قائلاً: "إحنا أولى الناس وأحرص الناس على أن مايكونش فيه أبدا لا إصابات ولا حالة عدم استقرار في مصر"، يعقب مرسي: "طبعا".

ويضيف السيسي: "لكن الوضع على الأرض غير كده، لأن الواقع على الأرض بيستهدف ده، وإن معرفش يجيلك النهاردة في الميدان هيجلك في حتى تانية، الانتخابات بكره، يضرب حد بالنار ظابط أو عسكري، عشان يعمل حاجة تانية، يروج جاي على الكنايس يا دكتور سعد، خلال الكام يوم الجايين فيه احتفالات بتاعة المسيحيين، سواء اللي قبل أو اللي بعد، قبل ديسمبر أو في 7 يناير عشان يعمل حاجة تالتة، ده موضوع مش محتاج بس جهد أقل من كده، لأ، ده محتاج جهد أمني وجهد منكم".

ويتابع: "ما هي مبادرة الإخوان لحل المسألة دي؟ ما هي مبادرة الإخوان لحل المسألة دي اللي إحنا فيها؟ أنتوا ليكوا مبادرة تعملوها لإن أنتم قوة لكم مكانتكم على الأرض ولكم قدرتكم وكفاءتكم وليكم تقلكم، اللي مايعملهاش يبقى هو بيتخلى عن المسئولية يقولك خلاص كده، إن روحت فيها يبقى ده الموضوع بتاعنا".

ويستكمل: "إن حالة الفهم المتواجدة عندنا عن الموقف وأسبابه دي مسئولية أمام ربنا مش أمام بس مصر، أنا فاهم ليه كده، المواطن العادي في الشارع مايعرفش ده، المواطن في الشارع مايعرفش يعمل حاجة، مش فاهم ومايقدرش يعمل، لكن أنا فاهم وأقدر".

يشار إلى أن مسلسل "الاختيار 3" من بطولة كل من: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، هيدي كرم، وإيمان العاصي وغيرهم، ومن تأليف هاني سرحان، وإخراج بيتر ميمي.