«الاختيار 3» الحلقة 17.. تسريب جديد لـ محمد مرسي: «محمد نور قال لي إن هو وهشام مصطفى كانوا بيتعاملوا مع أمن الدولة»

الموجز  

شهدت الحلقة السابعة عشرة من مسلسل "الاختيار 3 - القرار"، عرض تسريب جديد للرئيس المعزول محمد مرسي، وخيرت الشاطر نائب المرشد في جماعة الإخوان الإرهابية.

وخلال التسريب، قال الشاطر: دلوقت قالهم بمنتهى الوضوح مفيش حاجة اسمها تحالف بين الإخوان والنور، دا مرفوض وهيعملنا مشكلة كبيرة في مصر، استقطاب الإسلاميين وغير الإسلاميين دلوقت إحنا نتبنى مبادرة وائتلاف واسع جدًا فيه كل من يرغب الانضمام له في مجلس الشعب، وانتو هتبقوا موجودين في هذا الكيان أهلًا وسهلًا، متجيش تقولي الوفد علماني دي كتلة، مش عارف في الأول قبل الانتخابات كانوا رافضين دا وازاي خرجوا من التحالف السياسي عشان الوفد."

ورد مرسي قائلاً: "عملوا بالنصيحة أوي فراحوا نيلوها الناحية التانية. ليقاطعه الشاطر: "على فكرة محمد نور بيشتغل لوحده."

وأضاف مرسي: "محمد نور جه قعد معايا. ليرد الشاطر: قالوا كلام كويس في القعدة اللي حضرها عماد أنا عرفت أن جاتله معلومة أكيدة."

وتابع الرئيس المعزول: "محمد نور قالي قبل كدا أنا وهشام مصطفى كنا شغالين في تنظيم، وكنا بنتعامل مع أمن الدولة بس أنا بطلت، مش عارف هشام مصطفى بطل ولا لأ، وبعدين بيلعب في كل حاجة محمد نور."

كما شهدت الحلقة الـ17 من مسلسل "الاختيار 3" عرض لقاء بين محمد البلتاجي، أحد رموز جماعة الإخوان، وعضو مجلس الشعب الأسبق، وعدد من قيادات جهاز الأمن الوطني الذي شهد رفض الجهاز قائمة بالأسماء التي طلبت الجماعة الإرهابية الإفراج عنها.