«كلها غلط».. نهلة سلامة تتحدث عن اختياراتها العاطفية في حياتها.. وأدوار «الإغراء»

الموجز    

علّقت الفنانة نهلة سلامة، على منشورها الذي نشرته عبر صفحتها بموقع "فيس بوك" في الـ 22 من فبراير الماضي، حينما قالت: "ذكريات، أسرار، نجاح، فشل، اختبارات، حروب .. هي ديه الحياة، وكلها بيعدي".

وخلال حوارها مع الإعلامية راغدة شلهوب في برنامج "سابع سما" المذاع عبر فضائية "النهار" مساء الأحد، قالت نهلة سلامة: "كتبت كده على فيس بوك لأني كنت متأثرة بـ وفاة جلا فهمي .. وكنت افتكرت اللي مريت بيه في حياتي".

وأضافت الفنانة: "كل اللي انا كتبته وقتها عبارة عن حياتي، لاقيت نفسي عايزة أقول كده وقتها .. وفيه واحد بعتلي أغنية حلوة أوي".

وتابعت نهلة سلامة: "المواقف اللي داست عليا أوي هي اختياراتي العاطفية في أول حياتي اللي كانت كلها غلط".

وأكملت: "اختياراتي مكنتش مظبوطة في بداية حياتي وهي اللي بتحدد الحياة، فلما بتكوني صغيرة ومعندكيش خبرة بتختاري غلط"

ورداً على سؤال الإعلامية حول حصرها في أدوار الإغراء، قالت نهلة سلامة: "اعتقد اني مش النجمة الوحيدة اللي عملت ادوار إغراء وانا عملتها بدون ابتذال وفي السياق الدرامي ومن غير استخدام للملابس"

وواصلت: "لما حسيت أن المخرجين عايزين يحصروني في الادوار دي بدأت اغير في ادواري ومشتغلش ادوار شبه بعض، والإغراء ليس تهمة أنا ممثلة"

وأضافت الفنانة نهلة سلامة: "أنا دايما بقول أن الحب الأخير هو الحب الحقيقي وانا مقدرش اعيش من غير حب، وانا مش مؤمنة بأن الزواج ينهي الحب فالست والراجل لما بيتجوزوا بيكونوا بيحبوا بعض وانا مقدرش استحمل حد احس أنه مش بيحبني وهيكون في زواج قريب من شخص خارج الوسط الفني"